Битолско Злокуќани: село во Општина Битола

За други значења видете Злокуќани (појаснување)

Сместено во пазувите на Баба Планина, со највисокиот врв Пелистер.

Злокуќани
Злокуќани Местоположба на Злокуќани во Македонија Злокуќани на карта
Координати 40°58′0″N 21°19′0″E / 40.96667° СГШ; 21.31667° ИГД / 40.96667; 21.31667
Општина	Битола
Население	0 жит. (поп. 2021)
Шифра на КО	02053
Надм. вис.	1081 м
Злокуќани на општинската карта Атарот на Злокуќани во рамките на општината
Злокуќани на Ризницата

Селото се наоѓа под пазувите на Баба планина, југозападно од Битола.

Во XIX век селото било дел од Битолската каза на Отоманското Царство.

Вкупно 2 жители на оваа населба се заведени како жртви во Втората светска војна.

Според статистиката на Васил К’нчов („Македонија, Етнографија и статистика“) од 1900 година, во Злокуќани живееле 500 жители, сите Албанци.

Според Димитар Гаџанов во 1916 година во селото имало 394 жители, кои тој ги запишува како Турци.

Според германска карта издадена во 1941 година, а заснована на пописот на Кралството Југославија од 1931 година, селото имало 200 Албанци.

Селото броело 23 жители во 1961 година, додека во 1994 година има само 20-тина жители.

Според пописот од 2002 година, во селото Злокуќани немало жители. Според последниот попис од 2021 година, во селото исто така немало жители.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.; за 1905 г.: La Macédoine et sa Population Chrétienne.; за 1948-2002 г.: Државен завод за статистика на РМ.; за 2021 г.: Државен завод за статистика на РМ.

Родови

Злокуќани било албанско село.

Родови во селото биле: Љаме (3 куќи), Цаме (7 куќи), Кече (5 куќи), Пале (3 куќи) и Астафе (1 куќа) доселени се кон крајот на XVIII век од северна Албанија (областа Мат). Во родот Љаме се знае следното родословие: Рамадан (жив на 50 г. во 1950-тите) Шабан-Камбер-Селман-Алија-Ислам, предокот кој се доселил. Во родот Цаме се знае следното родословие: Елмаз (жив на 56 г. во 1950-тите) Фазли-Сали-Адем-Фазли-Цаме, предокот кој се доселил.

Избирачко место

Во селото постои избирачкото место бр. 157 според Државната изборна комисија, сместени во просториите на основното училиште.

На претседателските избори во 2019 година, на ова избирачко место биле запишани вкупно 9 гласачи.

Археолошки наоѓалишта

• Сртот — населба од железно време;

Голем број на населението од Злокуќани се има иселено во Битола (во населбата Кленовец) и во Турција (во разни села и градови).