Евроазиска Плоча: тектонска плоча
Евроазиска Плоча — тектонска плоча која ја опфаќа копнената маса на Евроазија, сочинета од континентите Европа и Азија) со исклучок на Индискиот Потконтинент, Арапскиот Потконтинент и подрачјето на исток од Черските Планини во источен Сибир.
Над неа лежи и океанската кора која се протега на запад од Средноатлантскиот и на север од Гекелскиот Гребен.
| Евроазиска Плоча | |
|---|---|
 Карта на Евроазиската Плоча | |
| Вид | главна |
| Површина | 67 800 000 км2 |
| Насока1 | јужно |
| Брзина1 | 7 - 14 мм/год |
| Опфаќа | Европа, Азија, Атлантски Океан, Северноледен Океан |
| 1Во однос на Африканската Плоча | |
Источната страна ја образува границата со Северноамериканската Плоча на север, со Филипинската Плоча на југ, а можеби и со Охотската и Амурската Плоча. Јужната страна граничи со Африканската на запад, Арапската во средината и Индоавстралиската Плоча на исток. Западната страна претставува разидувачка граница со Северноамериканската Плоча, образувајќи го најсеверниот дел од Средноатлантскиот Гребен кој минува преку Исланд. Ова разидување е причинителот за вулканската активност на Исланд како избувот на Лаки (1783), Елдфедл (1973) и Ејафјадлајекидл (2010).
За геодинамиката на Средна Азија е одговорно заемодејството помеѓу Евроазиската и Индиската Плоча. На овој простор се утврдени бројни потплочи или блокови од кората кои ги сочинуваат средноазиското и источноазиското преодно подрачје.
Поврзано
- Сундска Плоча
- Список на тектонски плочи
Наводи
This article uses material from the Wikipedia Македонски article Евроазиска Плоча, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.