Геолошки Топографски Институт На Сад
Геолошкиот топографски институт на САД (англиски: United States Geological Survey, крат.
USGS) — научна служба на владата на САД. Се заминава со проучување на топографијата на САД, нивните природни ресурси и осознавање на природните опасности што им се закануваат. Дејноста на институтот е распоредена на четири поважни полиња: биологијата, географијата, геологијата и хидрологијата. Геолошкиот топографски институт е организација задолжена за осознавање на факти и нема надлежност врз прописи и регулативи.
| Геолошки топографски институт на САД | |
|---|---|
| United States Geological Survey | |
 | |
| Амблем | |
 | |
| Службено обележје | |
| Податоци за органот | |
| Основан | 3 март 1879 |
| Седиште | Рестон, Вирџинија |
| Вработени | 8.670 лица (2009) |
| Годишен буџет | 1,1 милијарди долари |
| Раководител | Марша Мекнат (директор) |
| Матичен орган | Министерство за внатрешни работи |
| Мрежно место | |
| usgs.gov | |
Како служба во состав на Министерството за внатрешни работи на САД (со сосем поинаква надлежност од македонскиот истоименик), ова е единствениот негов огранок што се занимава со научна дејност. Во институтот работат околу 8.670 лица, а седиштето се наоѓа во Рестон (Вирџинија). Поважни филијали има и во Лејквуд (Колорадо) и Менло Парк (Калифорнија).
Мотото на установата гласи „Science for a changing world“ („Наука за свет кој се менува“).
Историја
Институтот е основан како одговор на извештај од Националната академија на науките со законски акт на Конгресот, донесен на 3 март 1879. Новооснованата установа била задолжена со „класификација на државното земјиште и испитување на геолошкиот состав, минералните ресурси и производите во општествена сопственост.“ Главен двигател на задачата била неопходноста од попишување на огромните површини стекнати со купувањето на Луизијана во 1803 и Американско-мексиканската војна во 1848.
При неговото основање, првиот директор на институтот, Кларенс Кинг, го составил со обединување на различни неповрзани регионални геодетски служби По кратко време на директорското место го наследил Џон Весли Пауел.
Поврзано
- Информативен систем за географски имиња (GNIS)
- Министерство за внатрешни работи на САД
- Национална океанска и атмосферска управа
- Географија на САД
Наводи
- Eilperin, Juliet (14 декември 2006). „USGS Scientists Object To Stricter Review Rules“. The Washington Post. Посетено на 27 декември 2007.
- Erickson, Jim (14 декември 2006). „USGS to review scientists' studies prior to publication“. Rocky Mountain News. Архивирано од изворникот 2008-01-08. Посетено на 27 декември 2007.
- Heilprin, John (13 декември 2006). „USGS scientists worry about being muzzled“. Associated Press. Посетено на 27 декември 2007.
Надворешни врски
| „Геолошки топографски институт на САД“ на Ризницата ? |
- Портал на USGS (англиски)
- Складиште на издадените дела и списанија на USGS Архивирано на 13 јули 2010 г. (англиски)
This article uses material from the Wikipedia Македонски article Геолошки топографски институт на САД, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Содржината е достапна под CC BY-SA 4.0 освен ако не е поинаку наведено. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Македонски (DUHOCTRUNGQUOC.VN) is an independent company and has no affiliation with Wiki Foundation.