Slovenia
Slovenia atau sacaro rasmi Republik Slovenia adolah sabuah nagara di Eropa Tangah bagian selatan.
Nagara ko babatehan jo Itali di barat, Austria di utara, Hungaria di timur laut, Kroasia di selatan jo tenggara sarato Lautan Adriatik di barat daya. Slovenia sabagian gadang bagunuang-gunuang jo bahutan, nan mancakuik 20.271 kilometer persegi (7.827 mil persegi). Slovenia barado dalam zona seismik nan agak aktif karano posisinyo di Lempeng Adriatik ketek, nan tajapik di antaro Lempeng Eurasia di utara jo Lempeng Afrika di selatan nan baputa balawanan arah jarum jam.
Slovenia marupokan nagara republik demokrasi parlementer jo sistem multi partai. Presiden adolah kapalo nagara nan dipiliah malalui Pamungutan suaro untuak maso jabatan limo tahun. Sadangkan kapalo pamarentahan dipacik dek Pardana Mantari nan dipiliah dek Majelis Nasional.
Pado tahun 2022, panduduaknyo dipakiroan sabanyak 2.123.103 jiwa. Kalompok etnis tagadang iolah urang Slovenia (83,1%), Serbia (2,0%), Kroasia (1,8%), Bosnia (1,6%), Hungaria (0,3%), Albania (0,3%) jo Roma (0,2%). Kalompok etnis lainnyo tamasuak Makedonia, Itali, Montenegro, jo Jerman.
Rujuakan
This article uses material from the Wikipedia Minangkabau article Slovenia, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Konten tasadio di bawah CC BY-SA 4.0 kacuali dinyatoan lain. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Minangkabau (DUHOCTRUNGQUOC.VN) is an independent company and has no affiliation with Wiki Foundation.