ᱛᱷᱟᱭᱞᱮᱱᱰ (/ˈtaɪlænd/ TY-land), officially the Kingdom of Thailand ᱫᱚ ᱫᱟᱹᱠᱷᱤᱱ ᱯᱩᱨᱩᱵᱽ ᱮᱥᱤᱟ ᱨᱮᱱᱟᱜ ᱫᱤᱥᱚᱢ ᱠᱟᱱᱟ ᱾ ᱛᱷᱟᱭᱞᱮᱱᱰ ᱨᱮᱱᱟᱜ ᱨᱟᱡᱽᱜᱟᱲ ᱫᱚ ᱵᱮᱝᱠᱚᱠ ᱠᱚ ᱢᱮᱛᱟᱜ ᱠᱟᱱᱟ ᱾ ᱑᱗᱘᱒ ᱥᱮᱨᱢᱟ ᱠᱷᱚᱱ ᱑᱙᱓᱒ ᱥᱮᱨᱢᱟ ᱫᱷᱟᱹᱵᱤᱡ ᱱᱚᱸᱰᱮ ᱫᱚ ᱨᱟᱡᱽᱛᱚᱱᱛᱨᱚ ᱪᱟᱹᱞᱩ ᱛᱟᱦᱮᱸ ᱠᱟᱱᱟ ᱾ ᱑᱙᱓᱒ ᱥᱮᱨᱢᱟ ᱨᱮᱜᱮ ᱥᱟᱝᱵᱤᱫᱷᱟᱱᱤᱠ ᱨᱟᱡᱽᱛᱚᱱᱛᱨᱚ ᱮᱛᱦᱚᱵ ᱮᱱᱟ ᱾
ᱵᱟᱱ ᱪᱤᱭᱟᱝ ᱟᱹᱨᱤᱪᱟᱹᱞᱤ ᱡᱩᱜᱽ ᱠᱷᱚᱱ ᱜᱮ ᱛᱷᱟᱭᱞᱮᱱᱰ ᱨᱮᱫᱚ ᱱᱟᱱᱟᱦᱩᱱᱟᱹᱨ ᱟᱹᱨᱤᱪᱟᱹᱞᱤ ᱪᱟᱹᱞᱩ ᱛᱟᱦᱮᱸ ᱠᱟᱱᱟ ᱾ ᱚᱛᱱᱚ ᱥᱤᱢᱟᱹ ᱞᱮᱠᱟᱛᱮ ᱱᱚᱸᱰᱮ ᱫᱚ ᱵᱷᱟᱨᱚᱛ, ᱪᱤᱱ ᱥᱮ ᱫᱟᱹᱠᱷᱤᱱ ᱯᱩᱨᱩᱵᱽ ᱨᱮᱱᱟᱜ ᱮᱴᱟᱜ ᱟᱹᱨᱤᱪᱟᱹᱞᱤ ᱠᱩ ᱨᱮᱱᱟᱜ ᱩᱢᱩᱞ ᱯᱟᱲᱟᱣ ᱟᱠᱟᱱᱟ ᱾ ᱱᱚᱸᱰᱮ ᱫᱚ ᱵᱩᱫᱫᱷᱚ ᱫᱷᱚᱨᱚᱢ ᱡᱟᱹᱥᱛᱤ ᱯᱟᱥᱱᱟᱣ ᱟᱠᱟᱱᱟ ᱾
᱑᱙᱓᱒ ᱥᱮᱨᱢᱟ ᱨᱮ ᱥᱟᱝᱵᱤᱫᱷᱟᱱᱤᱠ ᱨᱟᱡᱽᱛᱚᱱᱛᱨᱚ ᱮᱛᱦᱚᱵ ᱛᱟᱭᱚᱢ ᱫᱚᱥᱟᱨ ᱫᱷᱟᱹᱨᱛᱤ ᱞᱟᱹᱲᱦᱟᱹᱭ ᱨᱮ ᱛᱷᱟᱭᱞᱮᱱᱰ ᱫᱚ ᱡᱟᱯᱟᱱ ᱥᱮᱡ ᱮ ᱪᱟᱞᱟᱣ ᱞᱮᱱᱟ, ᱟᱫᱚ ᱞᱟᱹᱲᱦᱟᱹᱭ ᱯᱚᱨᱮ ᱟᱢᱮᱨᱤᱠᱟ ᱥᱟᱶᱛᱮ ᱜᱟᱛᱮ ᱛᱮᱭᱟᱨ ᱠᱮᱫᱼᱟ ᱾
ᱛᱷᱟᱭᱞᱮᱱᱰ ᱨᱮᱱᱟᱜ ᱚᱛ ᱦᱟᱥᱟ ᱫᱚ ᱦᱩᱭᱩᱜ ᱠᱟᱱᱟ 513,120 km2(198,120 sq mi) ᱾ ᱛᱷᱟᱭᱞᱮᱱᱰ ᱨᱮᱱᱟᱜ ᱛᱟᱞᱚ ᱦᱟᱥᱟ ᱥᱮᱡ ᱫᱚ ᱥᱚᱢᱟᱱ ᱜᱮᱭᱟ ᱾ ᱱᱚᱝᱠᱟ ᱛᱮᱜᱮ ᱛᱷᱚᱭᱞᱮᱱᱰ ᱨᱮᱱᱟᱜ ᱢᱩᱬᱩᱛ ᱜᱟᱰᱟ ᱪᱟᱣ ᱯᱷᱨᱟᱭᱟ ᱞᱤᱸᱜᱤᱱ ᱠᱟᱱᱟ ᱾ ᱥᱚᱢᱟᱱ ᱦᱟᱥᱟ ᱠᱷᱚᱡ ᱯᱟᱹᱪᱷᱤᱢ, ᱩᱛᱟᱹᱨ ᱟᱨ ᱯᱩᱨᱩᱵᱽ ᱥᱮᱡ ᱫᱚ ᱩᱥᱩᱞ ᱪᱚᱯᱚᱛ ᱦᱟᱥᱟ ᱜᱮᱭᱟ ᱾
ᱛᱷᱟᱭᱞᱮᱱᱰ ᱨᱮᱫᱚ ᱛᱷᱟᱭ ᱡᱟᱹᱛᱤ ᱨᱮᱱ ᱦᱚᱲ ᱠᱚ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩ ᱡᱚᱛᱚ ᱠᱚᱜᱮ ᱵᱩᱫᱫᱷᱚ ᱫᱷᱚᱨᱚᱢ ᱠᱚ ᱢᱟᱱᱟᱣᱼᱟ ᱾ ᱪᱤᱱᱟ, ᱢᱟᱞᱚᱭ ᱟᱨ ᱠᱤᱪᱷᱩ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱠᱚ ᱦᱚᱸ ᱱᱚᱸᱰᱮ ᱢᱮᱱᱟᱜ ᱠᱚᱣᱟ ᱾
ᱛᱷᱟᱭ ᱯᱟᱹᱨᱥᱤ ᱫᱚ ᱱᱚᱸᱰᱮᱱᱟᱜ ᱥᱚᱨᱠᱟᱨᱤ ᱯᱟᱹᱨᱥᱤ ᱠᱟᱱᱟ ᱾ ᱱᱤᱭᱟᱹ ᱯᱟᱹᱨᱥᱤ ᱛᱮ ᱔᱐ ᱵᱷᱟᱜᱽ ᱦᱚᱲ ᱠᱟᱛᱷᱟ ᱠᱚ ᱨᱚᱲᱟ ᱟᱨ ᱱᱤᱭᱟᱹ ᱨᱮᱱᱟᱜ ᱦᱩᱰᱤᱧ ᱯᱟᱹᱨᱥᱤ ᱛᱮ ᱵᱟᱫᱽ ᱵᱟᱠᱤ ᱕᱐ ᱵᱷᱟᱜᱽ ᱟᱨ ᱠᱤᱪᱷᱩ ᱫᱚ ᱟᱹᱫᱤᱵᱟᱹᱥᱤ ᱡᱟᱹᱛᱤ ᱟᱹᱠᱚᱣᱟᱜ ᱯᱟᱹᱨᱥᱤ ᱛᱮ ᱠᱚ ᱨᱚᱲᱟ ᱾ ᱗᱐ ᱜᱚᱴᱟᱝ ᱯᱟᱹᱨᱥᱤ ᱱᱚᱶᱟ ᱫᱤᱥᱟᱹᱢᱨᱮ ᱪᱟᱹᱞᱩ ᱢᱮᱱᱟᱜᱼᱟ ᱾
This article uses material from the Wikipedia ᱥᱟᱱᱛᱟᱲᱤ article ᱛᱷᱟᱭᱞᱮᱱᱰ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.