ᱥᱤ ᱡᱤᱱᱯᱤᱝ
ᱥᱤ ᱡᱤᱱᱯᱤᱝ (ᱡᱟᱱᱟᱢ ᱑᱕ ᱡᱩᱱ ᱑᱙᱕᱓) ᱠᱚᱢᱭᱩᱱᱤᱴ ᱯᱟᱨᱴᱤ ᱚᱯ ᱪᱟᱭᱱᱟ ᱨᱮᱱᱤᱡ ᱥᱚᱪᱤᱵᱽ, ᱥᱮᱱᱴᱨᱟᱞ ᱢᱤᱞᱤᱴᱟᱨᱤ ᱠᱚᱢᱤᱥᱚᱱ ᱨᱮᱱᱤᱡ ᱯᱟᱨᱥᱮᱛ ᱟᱨ ᱪᱤᱱ ᱨᱮᱱᱤᱡ ᱫᱤᱥᱚᱢ ᱜᱚᱢᱠᱮ ᱠᱟᱱᱟᱭ ᱾ ᱫᱚᱥᱟᱨ ᱡᱮᱜᱮᱛ ᱞᱟᱹᱰᱷᱟᱹᱭ ᱛᱟᱭᱚᱢ ᱡᱟᱱᱟᱢ ᱟᱠᱟᱱ ᱯᱩᱭᱞᱩ ᱥᱟᱫᱷᱟᱨᱚᱱ ᱥᱚᱪᱤᱵᱽ ᱠᱟᱱᱟᱭ ᱱᱩᱭ ᱫᱚ ᱾ ᱞᱟᱠᱪᱟᱨ ᱞᱟᱹᱰᱷᱟᱹᱭ ᱛᱟᱭᱚᱢ ᱟᱡ ᱵᱟᱵᱟ ᱥᱟᱶ ᱡᱟᱱᱪᱩᱣᱟᱱ ᱠᱟᱶᱱᱴᱤ ᱧᱩᱛᱩᱢᱟᱱ ᱢᱤᱫ ᱟᱹᱛᱩ ᱨᱮ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ ᱾ ᱥᱤᱝᱦᱚᱣᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱟᱣ ᱥᱟᱹᱛ ᱛᱟᱭᱚᱢ ᱪᱤᱱ ᱨᱮᱭᱟᱜ ᱫᱚᱨᱭᱟ ᱫᱷᱟᱨᱮ ᱯᱚᱱᱚᱛ ᱠᱚᱨᱮ ᱨᱟᱡᱽᱱᱤᱛᱤ ᱠᱷᱮᱢᱚᱛᱟ ᱵᱟᱲᱦᱟᱣ ᱮ ᱮᱦᱚᱵ ᱠᱮᱜ-ᱟ ᱾ ᱑᱙᱙᱙ ᱠᱷᱚᱱᱟᱜ ᱒᱐᱐᱒ ᱥᱟᱞ ᱦᱟᱹᱵᱤᱡ ᱫᱚ ᱩᱱᱤ ᱯᱷᱭᱩᱡᱤᱥᱟᱱ ᱯᱚᱱᱚᱛ ᱨᱮᱱᱤᱡ ᱯᱚᱱᱚᱛ ᱜᱚᱢᱠᱮ (ᱨᱟᱡᱽᱭᱚᱯᱟᱞ) ᱮ ᱛᱟᱦᱮᱸ ᱠᱟᱱᱟ ᱾ ᱒᱐᱐᱒ ᱠᱷᱚᱱᱟᱜ ᱒᱐᱐᱗ ᱦᱟᱹᱵᱤᱡ ᱫᱚ ᱡᱚᱡᱤᱭᱟᱝ ᱯᱚᱱᱚᱛ ᱨᱤᱱᱤᱡ ᱥᱚᱪᱤᱵᱽ ᱞᱮᱠᱟᱭ ᱠᱟᱹᱢᱤ ᱞᱮᱜ-ᱟ ᱾ ᱒᱐᱐᱗ ᱥᱟᱞ ᱨᱮ ᱠᱚᱢ ᱫᱤᱱ ᱞᱟᱹᱜᱤᱫ ᱥᱟᱝᱜᱷᱟᱭ ᱯᱚᱱᱚᱛ ᱨᱮᱱᱤᱡ ᱥᱚᱪᱤᱵᱽ ᱮ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱒᱐᱐᱗ ᱥᱮᱨᱢᱟ ᱨᱮᱜᱮ ᱫᱤᱥᱚᱢ ᱜᱚᱢᱠᱮ ᱦᱩ ᱡᱤᱱᱛᱟᱣ ᱣᱤᱡ ᱩᱛᱚᱨᱟᱫᱷᱤᱠᱟᱨᱤ ᱞᱮᱠᱟ ᱢᱚᱬᱮ ᱥᱮᱨᱢᱟ ᱦᱟᱹᱵᱤᱡ ᱮ ᱛᱟᱦᱮᱸ ᱠᱟᱱᱟ ᱾ ᱒᱐᱐᱘ ᱠᱷᱚᱱᱟᱜ ᱒᱐᱑᱓ ᱦᱟᱹᱵᱤᱡ ᱫᱚ ᱥᱚᱦᱚᱫ ᱫᱤᱥᱚᱢ ᱜᱚᱢᱠᱮ ᱛᱟᱦᱮᱸ ᱠᱟᱱᱟ ᱾ ᱒᱐᱑᱐ ᱠᱷᱚᱱᱟᱜ ᱒᱐᱑᱒ ᱥᱟᱞ ᱦᱟᱹᱵᱤᱡ ᱫᱚ ᱥᱮᱱᱴᱨᱟᱞ ᱢᱤᱞᱤᱴᱟᱨᱤ ᱠᱚᱢᱤᱥᱚᱱ ᱨᱮᱱᱤᱡ ᱡᱚᱜᱚ ᱯᱟᱨᱥᱮᱛ ᱞᱮᱠᱟᱭ ᱛᱟᱦᱮᱸ ᱠᱟᱱᱟ ᱾ ᱫᱤᱥᱚᱢ ᱜᱚᱢᱠᱮ ᱵᱮᱱᱟᱣᱮᱱ ᱛᱟᱭᱚᱢ ᱫᱚ ᱟᱹᱰᱤ ᱜᱟᱱ ᱫᱩᱨᱱᱤᱛᱤ ᱪᱟᱵᱟᱭ ᱞᱟᱹᱜᱤᱫ ᱮ ᱠᱟᱹᱢᱤ ᱟᱠᱟᱜ-ᱟ ᱾ ᱩᱱᱤ ᱟᱯᱱᱟᱨ ᱛᱮ ᱪᱤᱱ ᱨᱟᱥᱴᱨᱚᱵᱟᱫᱤ ᱜᱷᱚᱥᱬᱟ ᱠᱟᱛᱮ ᱤᱱᱴᱚᱨᱱᱮᱴ ᱪᱮᱛᱟᱱ ᱨᱮ ᱵᱟᱪᱷᱚᱱᱫᱚᱭ ᱞᱟᱜᱟᱣ ᱞᱮᱜ-ᱟ ᱾ ᱪᱟᱭᱱᱤᱡᱽ ᱰᱨᱤᱢ ᱧᱩᱛᱩᱢ ᱛᱮ ᱢᱤᱫ ᱥᱞᱚᱜᱟᱱ ᱮᱢ ᱠᱟᱛᱮ ᱩᱱᱤ ᱪᱤᱱ ᱨᱮᱭᱟᱜ ᱠᱟᱹᱣᱰᱤ ᱟᱹᱨᱤ ᱥᱟᱡᱟᱣ ᱮ ᱪᱮᱥᱴᱟ ᱞᱮᱜ-ᱟ ᱾ ᱪᱤᱱ ᱨᱮᱭᱟᱜ ᱯᱷᱟᱫᱟ ᱵᱟᱹᱱᱤᱡᱽ, ᱜᱞᱚᱵᱟᱞᱟᱭᱡᱮᱥᱚᱱ, ᱪᱤᱱ-ᱡᱟᱯᱟᱱ ᱥᱟᱹᱜᱟᱹᱭ ᱫᱟᱹᱠᱷᱤᱱ ᱪᱤᱱ ᱥᱟᱜᱚᱨ ᱨᱮ ᱟᱡᱟᱜ ᱟᱹᱭᱫᱟᱹᱨ ᱮᱢᱟᱱ ᱨᱮ ᱟᱡᱟᱜ ᱫᱟᱢᱟᱱ ᱮᱱᱮᱢ ᱢᱮᱱᱟᱜ-ᱟ ᱾ ᱣᱟᱱ ᱵᱮᱞᱴ ᱣᱟᱱ ᱨᱚᱰ ᱫᱟᱨᱟᱭ ᱛᱮ ᱭᱩᱨᱚᱯ ᱟᱨ ᱮᱥᱤᱭᱟ ᱟᱡᱟᱜ ᱟᱫᱷᱤᱯᱚᱛᱭᱚ ᱵᱤᱥᱛᱟᱨ ᱮᱫᱟ ᱾ ᱢᱚᱬᱮ ᱯᱤᱰᱷᱤ ᱨᱮᱱᱤᱡ ᱠᱟᱡᱽᱱᱮᱛᱟ ᱞᱮᱠᱟ ᱛᱮ ᱩᱱᱤ ᱟᱹᱰᱤ ᱜᱟᱱ ᱨᱟᱡᱽᱱᱤᱛᱤᱛ ᱥᱚᱠᱛᱤ ᱢᱤᱫ ᱴᱷᱮᱱ ᱠᱟᱛᱮᱭ ᱫᱚᱦᱚ ᱟᱠᱟᱫ ᱠᱚᱣᱟ ᱾ ᱥᱤᱯᱟᱹᱦᱤᱭᱟᱜ ᱞᱟᱦᱟᱱᱛᱤ ᱟᱨ ᱤᱱᱴᱚᱨᱱᱮᱴ ᱨᱮᱭᱟᱜ ᱯᱟᱥᱱᱟᱣ ᱟᱨ ᱵᱷᱟᱹᱜᱤ ᱵᱮᱵᱷᱟᱨ ᱪᱮᱛᱟᱱ ᱨᱮ ᱩᱱᱤ ᱜᱩᱨᱩᱛ ᱮ ᱮᱢᱮᱜ-ᱟ ᱾ ᱟᱡ ᱫᱤᱥᱚᱢ ᱜᱚᱢᱠᱮ ᱵᱮᱱᱟᱣᱮᱱ ᱛᱟᱭᱚᱢ ᱫᱤᱥᱚᱢ ᱜᱚᱢᱠᱮ ᱛᱟᱦᱮᱸ ᱨᱮᱭᱟᱜ ᱠᱷᱟᱴᱚ ᱚᱠᱛᱚ ᱫᱚ ᱚᱪᱚᱜ ᱟᱠᱟᱜ-ᱟ ᱾ ᱒᱐᱑᱘ ᱥᱟᱞ ᱨᱮ ᱯᱷᱚᱵᱚᱨᱥ ᱢᱟᱜᱟᱡᱤᱱ ᱩᱱᱤ ᱫᱚ ᱡᱮᱫᱮᱛ ᱨᱮᱱᱤᱡ ᱡᱚᱛᱚ ᱠᱚ ᱵᱟᱰᱟᱭ ᱟᱠᱟᱫᱮ ᱟᱨ ᱥᱚᱠᱛᱤᱢᱟᱱ ᱱᱮᱛᱟ ᱞᱮᱠᱟ ᱛᱮ ᱪᱷᱟᱹᱴᱭᱟᱹᱨ ᱟᱠᱟᱫᱮᱭᱟ ᱾ ᱚᱱᱟ ᱢᱟᱬᱟᱝ ᱫᱚ ᱨᱟᱥᱤᱭᱟ ᱨᱮᱱᱤᱡ ᱵᱷᱞᱟᱫᱤᱢᱤᱨ ᱯᱩᱛᱤᱱ ᱱᱚᱶᱟ ᱴᱷᱟᱶ ᱨᱮ ᱢᱚᱬᱮ ᱥᱮᱨᱢᱟ ᱦᱟᱹᱵᱤᱡ ᱮ ᱛᱟᱦᱮᱸ ᱠᱟᱱᱟ ᱾
.jpg)
ᱮᱛᱚᱦᱚᱵ ᱡᱤᱭᱚᱱ
ᱥᱤ ᱡᱤᱱᱯᱤᱝ ᱫᱚ ᱑᱙᱕᱓ ᱥᱟᱞ ᱨᱮ ᱪᱤᱱ ᱨᱮᱭᱟᱜ ᱨᱟᱡᱽᱜᱟᱲ ᱵᱮᱡᱤᱝ ᱨᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱥᱤ ᱡᱚᱜᱩᱝᱥᱩ ᱟᱨ ᱠᱤ ᱥᱤᱱ ᱛᱮᱠᱤᱱᱤᱡ ᱫᱚᱥᱟᱨ ᱦᱚᱯᱚᱱ ᱠᱟᱱᱟᱭ ᱾
ᱯᱷᱮᱰᱟᱛ
ᱵᱟᱦᱨᱮ ᱡᱚᱱᱚᱲ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱥᱤ ᱡᱤᱱᱯᱤᱝ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.