佛教係由古印度嗰釋迦牟尼創立嗰,佢跟基督教、伊斯蘭教合為世界三大宗教。「佛」嗰意思係覺悟係了嗰人,而「教」可以話係宗教或教育嗰意思,也就係話佛陀對所有人嗰一種普遍嗰教育。佛教重視人心嗰進步跟覺悟,人所有一切嗰煩惱(苦)都係有因有緣嗰,「諸法因緣生,諸法因緣滅」。人跟其他眾生一樣,都在沉淪跟苦迫當中,而且伓斷嗰生死輪迴。只有冇貪、嗔、癡嗰聖人(佛陀、辟支佛、跟阿羅漢)才可以脫離生死輪迴,達到涅盤(清涼寂靜嗰意思,就係話無有煩惱)。佛教徒嗰目的係要從佛陀嗰教育(正法)裏面看透苦迫跟「自我」嗰真相(緣起法),最終超越生死苦、斷掉全部煩惱,成佛或者成阿羅漢。
現代佛教可以分成南傳佛教跟北傳佛教二大派。北傳佛教又可分成漢傳佛教跟藏傳佛教。南傳佛教大致上就係上座部佛教,北傳佛教大致上就係大眾部佛教,包括大乘佛教(主要係漢傳佛教),跟秘密大乘佛教或者金剛乘佛教(主要係藏傳佛教)。各傳乘在佛教嗰根本教義基本上冇分別,修行特色上嗰一些理論上有奀分別。
佛教主要嗰信徒在中國大陸(30%)、臺灣(28%)、日本(71%)、韓國(23%)、蒙古(93%)等東亞地方還有泰國(94%)、柬埔寨(93%)、緬甸(90%)、越南(50%)、斯裏蘭卡(70%)等東南亞國家,另外在歐洲、美洲、大洋洲跟非洲也有奀子信徒。佛教徒大概有7億多,佔全世界人口嗰11%。
This article uses material from the Wikipedia 贛語 article 佛教, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). 除非另寫了,不然頁面內容都以 CC BY-SA 4.0 嗰條款授權。 Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki 贛語 (DUHOCTRUNGQUOC.VN) is an independent company and has no affiliation with Wiki Foundation.