ສະພາກາຊາດໄທ ກໍ່ຕັ້ງຂຶ້ນເມື່ອວັນທີ່ 26 ເມສາ ຣ.ສ.112 (ຄ.ສ.1893) ເດີມຮຽກ ສະພາອຸນາໂລມແດງແຫ່ງຊາດສະຫຍາມ ເລີ່ມກໍ່ຕັ້ງໂດຍທ່ານຜູ້ຍິງປ່ຽນ ພາດສະກອນວົງ ເຊິ່ງມີສົມເດັດພະສີພັດຊະຣິນທາບໍຣົມລາຊິນີນາດ ພະບໍຣົມລາຊະຊົນນະນີພັນປີຫຼວງຊົງເປັນສະພານາຍິກາພະອົງທຳອິດ ສັນນິບາດສະພາກາຊາດມີມັດຕິຮັບສະພາກາຊາດສະຫຍາມເປັນສະມາຊິກເມື່ອວັນທີ່ 8 ເມສາ ຄ.ສ.
1921
ຄ.ສ. 1893 ເກີດກໍລະນີພິພາດ ລະຫວ່າງ ປະເທດສະຫຍາມ ກັບ ປະເທດຝະລັ່ງ ເລື່ອງດິນແດນຝັ່ງຊ້າຍຂອງແມ່ນ້ຳຂອງ ເຊິ່ງສົ່ງຜົນໃຫ້ທະຫານບາດເຈັບລົ້ມຕາຍເປັນຈຳນວນຫຼາຍ ແຕ່ບໍ່ມີອົງການກຸສົນຫຼັກທີ່ ເຮັດໜ້າທີ່ຊ່ອຍເຫຼືອພະຍາບານແລະບັນເທົາທຸກ ດັງນັ້ນ ທ່ານຜູ້ຍິງປ່ຽນ ພາດສະກອນວົງ ຈຶງໄດ້ຊັກຊວນສະຕີອາສາສະມັກຂຶ້ນແລະໄດ້ກາບບັງຄົມທູນ ສົມເດັດພະນາງເຈົ້າສະຫວ່າງວັດທະນາ ພະບໍຣົມລາຊະເທວີ ເພື່ອຂໍພະລາຊະທານພະບໍຣົມລາຊານຸຍາດຕັ້ງ "ສະພາອຸນາໂລມແດງແຫ່ງຊາດສະຫຍາມ"
ເມື່ອຄວາມຊາບຝ່າລະອອງທຸລີພະບາດພະບາດສົມເດັດພະຈຸລະຈອມເກົ້າເຈົ້າຢູ່ຫົວ ມີພະລາຊະກະແສວ່າ ເປັນຄວາມຄິດອັນດີຕາມແບບຢ່າງປະເທດທີ່ຈະເລີນແລ້ວ ຈຶງຊົງພະກະລຸນາໂປດເກົ້າຯ "ສະພາອຸນາໂລມແດງ" ຂຶ້ນເມື່ອວັນທີ່ 26 ເມສາ ຄ.ສ.1893 ເຊິ່ງຖືເປັນ "ວັນສະຖາປະນາສະພາກາຊາດໄທ" ນອກຈາກນີ້ຍັງຊົງພະກະລຸນາໂປດເກົ້າຯໃຫ້ສົມເດັດສະຫວ່າງວັດທະນາ ພະບໍລົມລາຊະເທວີ ຊົງເປັນ "ສະພາຊົນນະນີ" ສົມເດັດພະນາງເຈົ້າເສົາວະພາຜ່ອງສີ ພະວໍລະລາຊະເທວີ ຊົງເປັນ "ສະພານາຍິກາ" ແລະທ່ານຜູ້ຍິງປ່ຽນ ພາດສະກອນວົງ ເປັນເລຂານຸກາລິນີສະພາອຸນາໂລມແດງ
This article uses material from the Wikipedia ລາວ article ສະພາກາຊາດໄທ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.