ເມືອງຫາດຊາຍຟອງ
ເມືອງຫາດຊາຍຟອງ (ພາສາອັງກິດ: Hatxayfong District) ມີປະຫວັດຄວາມເປັນມາອັນຍາວນານ ແລະ ຍືດເຍື້ອໃນໄລຍະກ່ອນປະເທດຊາດໄດ້ຮັບການປົດປ່ອຍ ແລະ ພັດທະນາຈົນມາຮອດປັດຈຸບັນນີ້.
| |||||||||||||||||||||
ເມືອງຫາດຊາຍຟອງໃນເມື່ອກ່ອນມີຊື່ເດິມວ່າ: ເມືອງຊາຍຟອງ ໂດຍມີ 5 ຕາແສງທີ່ຂຶ້ນກັບເມືອງນີ້ຄື ຕາແສງບໍ່ໂອ, ຕາແສງໂພສີ, ຕາແສງບ້ານຫ້ອມ, ຕາແສງສີຖານໃຕ້ ແລະ ຕາແສງສາລະຄໍາ ເຊິ່ງຜູ້ເປັນເຈົ້າເມືອງໃນໄລຍະນັ້ນແມ່ນທ່ານ ອຸນ ສີສັດຕະນະກຸນ ຕໍ່ມາໃນປີ ຄ.ສ 1975, ໄດ້ລວມເອົາເມືອງອຸທຸມພອນເຂົ້ານໍາ ໂດຍມີ 6 ຕາແສງ ຄື: ຕາແສງທ່າມ່ວງ, ຕາແສງທ່າເດື່ອ, ຕາແສງທ່າພະ, ຕາແສງສິມມະໂນ, ຕາແສງດົງກະລຶມ, ຕາແສງບ້ານໂດນ ຈຶ່ງໄດ້ປ່ຽນຊື່ໃໝ່ຈາກເມືອງຊາຍຟອງປ່ຽນມາເປັນເມືອງຫາດຊາຍຟອງຈົນມາເຖິງປັດຈຸບັນນີ້.
ຕໍ່ມາຮອດ ປີ ຄ.ສ 1994 ເມືອງປາກງື່ມກໍ່ໄດ້ຖືກສ້າງຂຶ້ນ, ເຊິ່ງເມືອງຫາດຊາຍຟອງໄດ້ມອບ 2 ຕາແສງໃຫ້ຂຶ້ນກັບເມືອງປາກງື່ມຄື: ຕາແສງດົງກະລຶມ ແລະ ຕາແສງບ້ານໂດນຈົນມາເຖິງປັດຈຸບັນ (ແຫຼ່ງຂໍ້ມູນຈາກ ຂໍ້ມູນແຜນພັດທະນາເສດຖະກິດ-ສັງຄົມ 5 ປີຄັ້ງທີ V(2011-2015) ແລະ ວິໃສທັດແຕ່ນີ້ຮອດປີ 2020 ຂອງເມືອງຫາດຊາຍຟອງ)
ເມືອງຫາດຊາຍຟອງ ແມ່ນນອນໃນທົ່ງພຽງວຽງຈັນ, ລັກສະນະສ່ວນໃຫຍ່ເປັນທົ່ງພຽງ ທາງທິດໃຕ້ມີຄວາມລາດອຽງລົງຫາແມ່ນໍ້າຂອງ ສ່ວນທິດເໜືອ ແລະ ທິດຕາເວັນອອກແມ່ນຂ້ອນຂ້າງມີລັກສະນະເປັນໂນນ, ຍ້ອນສະພາບພື້ນທີ່ທີ່ຕິດແມ່ນໍ້າຂອງ ເມືອງຫາດຊາຍຟອງຈຶ່ງມີໜອງນໍ້າຍັງຢາຍຢູ່ທົ່ວໄປ.
ເມືອງຫາດຊາຍຟອງ ຕັ້ງຢູ່ທິດຕາເວັນອອກສ່ຽງໃຕ້ຂອງນະຄອນຫຼວງວຽງຈັນ ເຊິ່ງຊາຍແດນຂອງແຕ່ລະທິດມີດັ່ງນີ້:
- ທິດເໜືອ ຕິດກັບເມືອງໄຊທານີ ແລະ ເມືອງໄຊເສດຖາ.
- ທິດໃຕ້ ຕິດກັບແມ່ນໍ້າຂອງ (50 ກິໂລແມັດ), ເຊິ່ງເປັນຊາຍແດນຂັ້ນລະຫວ່າງປະເທດລາວກັບປະເທດໄທ.
- ທິດຕາເວັນອອກ ຕິດກັບເມືອງປາກງື່ມ.
- ທິດຕາເວັນຕົກ ຕິດກັບເມືອງສີສັດຕະນາກ.
ເມືອງຫາດຊາຍຟອງ ປະກອບມີ 60 ບ້ານ
ບັນດາບ້ານ
- ບ້ານທ່ານາ
- ບ້ານດອນດູ່
- ບ້ານບໍ່ໂອ
- ບ້ານພ້າວ
- ບ້ານກາງ
- ບ້ານສົ້ມໂຮງ
- ບ້ານແກ້ງຍາງ
- ບ້ານດອນຂາຊ້າຍ
- ບ້ານນາທາມ
- ບ້ານແກ້ງປາຢ້າງ
- ບ້ານຫາດດອກແກ້ວ
- ບ້ານຫົວຫ້າ
- ບ້ານຫາດກັນຊາ
- ບ້ານດອນ
- ບ້ານໂພເງິນ
- ບ້ານໂພສີ
- ບ້ານສະຫວ່າງ
- ບ້ານປາຝາງ
- ບ້ານຈອມທອງ
- ບ້ານຫ້ອມໃຕ້
- ບ້ານຈຽມປາງ
- ບ້ານຖິ່ນເພັຍ
- ບ້ານທ່າແຂກ
- ບ້ານຊາຍຟອງເໜືອ
- ບ້ານຊາຍຟອງໃຕ້
- ບ້ານໂຄກຊາຍ
- ບ້ານສີຖານໃຕ້
- ບ້ານຫາດຊາຍຂາວ
- ບ້ານສົມຫວັງເໜືອ
- ບ້ານໜອງໄຮ
- ບ້ານສົມສະໜຸກ
- ບ້ານໜອງແວງ
- ບ້ານສາລາຄຳເໜືອ
- ບ້ານນາໄຫ
- ບ້ານດົງຄຳຊ້າງ
- ບ້ານນາໄຮ່
- ບ້ານໜອງແຫ້ວ
- ບ້ານດົງໂພສີ
- ບ້ານທ່ານາແລ້ງ
- ບ້ານທ່າມ່ວງ
- ບ້ານດົງໂພນແຮ່
- ບ້ານປ່າຫວ້າ
- ບ້ານທ່າເດື່ອ
- ບ້ານຖິ່ນຕົມ
- ບ້ານຄຳຈະເລີນ
- ບ້ານໜອງແປນເໜືອ
- ບ້ານຊຽງຄວນ
- ບ້ານໜອງແປນໃຕ້
- ບ້ານທ່າພະ
- ບ້ານປາກເປັ່ງ
- ບ້ານໜອງພົງ
- ບ້ານຖິ່ນແທ່ນ
- ບ້ານຄວາຍແດງ
- ບ້ານສິມມະໂນເໜືອ
- ບ້ານສິມມະໂນໃຕ້
- ບ້ານນາລ້ອງ
- ບ້ານດອນຝ້າຍ
- ບ້ານສາລາຄຳໃຕ້
- ບ້ານດົງໂພນເລົາ
This article uses material from the Wikipedia ລາວ article ເມືອງຫາດຊາຍຟອງ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.