ເຂດປະທຸມວັນ: ເຂດໃນບາງກອກ ປະເທດໄທ
ເຂດປະທຸມວັນ (ໄທ: เขตปทุมวัน) ແມ່ນ 1 ໃນ 50 ເຂດການປົກຄອງຂອງບາງກອກ ຢູ່ໃນກຸ່ມເຂດບາງກອກໃຕ້ ເຊິ່ງຖືເປັນເຂດສູນກາງທຸລະກິດການຄ້າ ການບໍລິການ ການພະຍາບານ ວັດທະນະທຳ ການສຶກສາ ແລະການທູດ ເປັນເຂດນຶ່ງທີ່ມີບ່ອນຕັ້ງຢູ່ບໍລິເວນໃຈກາງທີ່ສຸດຂອງບາງກອກແລະທີ່ມີການຄົມມະນາຄົມຫຼາກຫຼາຍຊ່ອງທາງ
| |||||||||||||||||||||||||||||||||||||||||||
ບ່ອນຕັ້ງແລະອານາເຂດ
ຕັ້ງຢູ່ທາງທິດຕາເວັນຕົກຂອງຝັ່ງພະນະຄອນມີອານາເຂດຕິດຕໍ່ກັບເຂດຕ່າງໆ ຮຽງຕາມເຂັມໂມງມີດັງນີ້
- ທິດເໜືອ ຕິດຕໍ່ກັບເຂດດຸສິດແລະເຂດລາຊະເທວີ ມີຄອງທະຫານາກແລະຄອງແສນແສບເປັນເສັ້ນແບ່ງເຂດ
- ທິດຕາເວັນອອກ ຕິດຕໍ່ກັບເຂດວັດທະນາແລະເຂດຄອງເຕີຍ ມີແນວທາງລົດໄຟສາຍຊ່ອງນົນຊີເປັນເສັ້ນແບ່ງເຂດ
- ທິດໃຕ້ ຕິດຕໍ່ກັບເຂດສາທອນແລະເຂດບາງຮັກ ມີຖະໜົນພະຮາມທີ່ 4 ເປັນເສັ້ນແບ່ງເຂດ
- ທິດຕາເວັນຕົກ ຕິດຕໍ່ກັບເຂດປ້ອມປາບສັດຕູພ່າຍ ມີຄອງຜະດຸງກະເສມເປັນເສັ້ນແບ່ງເຂດ
ທີ່ມາຂອງຊື່ເຂດ
ໃນລາຊະສະໄໝພະບາດສົມເດັດພະຈອມເກົ້າເຈົ້າຢູ່ຫົວ ພະອົງໄດ້ສະເດັດທອດພະເນດບໍລິເວນຄອງແສນແສບ ເຊິ່ງໃນຂະນະນັ້ນຍັງມີສະພາບເປັນທ້ອງນາຊານເມືອງ ມີບົວພັນໄທຂຶ້ນຢູ່ເປັນຈຳນວນຫຼາຍ ຈຶງໂປດໃຫ້ສ້າງສະບົວ 2 ສະ ແລະພະຕຳໜັກສຳລັບເປັນທີ່ປະທັບພັກຜ່ອນເຊິ່ງໃນປັດຈຸບັນເປັນວັງສະປະທຸມ (ວັງທີ່ປະທັບຂອງສົມເດັດພະເທບພະລັດລາດສຸດາ ສະຫຍາມບໍລົມລາຊະກຸມາລີ) ແລະຕໍ່ມາໄດ້ໂປດໃຫ້ສ້າງວັດປະທຸມວະນາລາມ (ແປວ່າ ວັດປ່າບົວ) ຂຶ້ນເປັນພະອາລາມຫຼວງ ບໍລິເວນດັງກ່າວຈຶງມີຊື່ເອິ້ນວ່າ ປະທຸມວັນ
ປະຫວັດສາດ
ອຳເພີປະທຸມວັນ ໄດ້ຮັບການຈັດຕັ້ງຂຶ້ນຕາມປະກາດກະຊວງນະຄອນບານເມື່ອ ຄ.ສ. 1914 ໂດຍໃຊ້ທີ່ວ່າການອຳເພີສາມແຍກ (ຕໍ່ມາຍຸບຮວມກັບອຳເພີສັມພັນທະວົງ) ເປັນທີ່ທຳການໃນຂັ້ນທຳອິດ ຈາກນັ້ນຈຶງຍ້າຍມາຕັ້ງຢູ່ທີ່ສີ່ແຍກປະທຸມວັນ ແລະໄດ້ຍ້າຍມາຢູ່ບ່ອນຕັ້ງປັດຈຸບັນໃນຊອຍຈຸລາລົງກອນ 5 ຖະໜົນພະຮາມທີ່ 4 ໃນປີ ຄ.ສ. 1963
ໃນປີ ຄ.ສ. 1972 ໄດ້ມີປະກາດຄະນະປະຕິວັດຈັດຕັ້ງບາງກອກຂຶ້ນແທນທີ່ນະຄອນຫຼວງກຸງເທບທົນບຸລີເຊິ່ງເກີດຈາກການຮວມກັນຂອງຈັງຫວັດພະນະຄອນແລະຈັງຫວັດທົນບຸລີ ອຳເພີປະທຸມວັນຈຶງໄດ້ຮັບການປ່ຽນແປງສະຖານະເປັນ ເຂດປະທຸມວັນ ບາງກອກ ສ່ວນຕຳບົນຕ່າງໆ ໃນທ້ອງທີ່ກໍມີຖານະເປັນແຂວງ
ການແບ່ງເຂດການປົກຄອງ
ເຂດປະທຸມວັນແບ່ງໜ່ວຍການປົກຄອງຍ່ອຍອອກເປັນ 4 ແຂວງ (khwaeng) ໄດ້ແກ່
| ອັກສອນລາວ | ອັກສອນໂລມັງ | ພື້ນທີ່ (ຕລ.ກມ.) | ຈຳນວນປະຊາກອນ (ມັງກອນ 2016) | ຈຳນວນບ້ານ (ມັງກອນ 2016) | ຄວາມໜາແໜ້ນປະຊາກອນ (ມັງກອນ 2016) |
|---|---|---|---|---|---|
| ຮອງເມືອງ | Rong Mueang | 1.301 | 18,075 | 7,195 | 13,893.15 |
| ວັງໃໝ່ | Wang Mai | 1.403 | 7,809 | 6,136 | 5,565.93 |
| ປະທຸມວັນ | Pathum Wan | 2.181 | 6,150 | 1,073 | 2,819.80 |
| ລຸມພິນີ | Lumphini | 3.485 | 18,543 | 15,876 | 5,320.80 |
| ທັງໝົດ | 8.370 | 50,577 | 30,280 | 6,042.65 | |
ການຄົມມະນາຄົມ
ຖະໜົນສາຍຫຼັກໃນພື້ນທີ່ເຂດໄດ້ແກ່ຖະໜົນພະຮາມທີ່ 1 (ຕໍ່ເນື່ອງເປັນຖະໜົນເພີນຈິດແລະຖະໜົນສຸຂຸມວິດ) ຕັດຜ່ານພື້ນທີ່ເຂດໃນແນວນອນທາງທິດເໜືອ ຖະໜົນພະຮາມທີ່ 4ເປັນເສັ້ນແບ່ງເຂດການປົກຄອງທາງທິດໃຕ້ ໂດຍຖະໜົນທີ່ເຊື່ອມລະຫວ່າງຖະໜົນທັງ 2 ສາຍນີ້ ໄດ້ແກ່ ຖະໜົນຮອງເມືອງ ຖະໜົນຈາຣຸເມືອງ (ຕໍ່ເນື່ອງເປັນຖະໜົນພະຮາມທີ່ 6) ຖະໜົນບັນທັດທອງ ຖະໜົນພະຍາໄທ ຖະໜົນອັງລີດູນັງແລະຖະໜົນລາຊະດຳລິນອກຈາກນີ້ກໍຍັງມີຖະໜົນຫຼັງສວນ ຖະໜົນວິທະຍຸ ຖະໜົນສາລະສິນ ຖະໜົນຈະລັດເມືອງ ຖະໜົນຈະເລີນເມືອງ ແລະທາງພິເສດສະເຫຼີມມະຫານະຄອນ
ຫົວລຳໂພງ ຕັ້ງຢູ່ໃນແຂວງຮອງເມືອງເປັນສະຖານີລົດໄຟກາງຂອງບາງກອກ ລົດໄຟຈະອອກຈາກສະຖານີນີ້ໄປສູ່ຈຸດໝາຍປາຍທາງທົ່ວປະເທດ
ໃນລະບົບຂົນສົ່ງມວນຊົນ ເຂດປະທຸມວັນມີລົດໄຟໃຕ້ດິນພ້ອມດ້ວຍສະຖານີຫົວລຳໂພງ ສະຖານີສາມຢ່ານ ສະຖານີສີລົມ ແລະສະຖານີລຸມພິນີຕັ້ງຢູ່ລິມແນວເຂດທາງທິດໃຕ້ສ່ວນລົດໄຟຟ້າບີທີເອສກໍມີສະຖານີສະຫຍາມເຊິ່ງເປັນສະຖານີຫຼັກຢູ່ໃນເຂດນີ້ເປັນຈຸດເຊື່ອມຕໍ່ສາຍສີລົມກັບສາຍສຸຂຸມວິດ ສະຖານີລົດໄຟຟ້າອື່ນໆ ໃນພື້ນທີ່ເຂດ ໄດ້ແກ່ ສະຖານີສະໜາມກີລາແຫ່ງຊາດ ສະຖານີລາຊະດຳລິ (ສາຍສີລົມ) ສະຖານີຊິດລົມແລະສະຖານີເພີນຈິດ (ສາຍສຸຂຸມວິດ)
ການສັນຈອນທາງນ້ຳກໍຍັງມີຢູ່ ຄື ເຮືອດ່ວນທີ່ບໍລິການໃນຄອງແສນແສບ ເຊິ່ງເປັນຄອງແບ່ງເຂດປົກຄອງແບບແຄບໆ ທາງທິດເໜືອ
ສະຖານທີ່ສຳຄັນ
ສະຖານສຶກສາລະດັບອຸດົມສຶກສາ
- ຈຸລາລົງກອນມະຫາວິທະຍາໄລ
- ພິພິດທະພັນກຸມານສັນຍະສາດ ຈຸລາລົງກອນມະຫາວິທະຍາໄລ
- ພິພິດທະພັນເຕັກໂນໂລຊີທາງພາບ
- ພິພິດທະພັນສະຖານທຳມະຊາດວິທະຍາແຫ່ງຈຸລາລົງກອນມະຫາວິທະຍາໄລ
- ພິພິດທະພາດວາດວິທະຍາວັດ ຈຸລາລົງກອນມະຫາວິທະຍາໄລ
- ພິພິດທະພັນອັນຍະມະນີແລະເຄື່ອງປະດັບໄທ
- ພິພິດທະພັນສະໝຸນໄພ
- ເຮືອນໄທຈຸລາລົງກອນມະຫາວິທະຍາໄລ
- ຫໍປະຫວັດຈຸລາລົງກອນມະຫາວິທະຍາໄລ
- ຫໍສິນຈາມຈຸລີ
- ຫໍປະຊຸມຈຸລາລົງກອນມະຫາວິທະຍາໄລ
- ມະຫາວິທະຍາໄລເຕັກໂນໂລຊີລາຊະມົງຄົນຕາເວັນອອກ ວິທະຍາເຂດອຸເທນຖະຫວາຍ
- ສະຖາບັນເຕັກໂນໂລຊີປະທຸມວັນ
ສະຖານສຶກສາລະດັບມັດທະຍົມສຶກສາ
- ໂຮງຮຽນກຽມອຸດົມສຶກສາ
- ໂຮງຮຽນສາທິດຈຸລາລົງກອນມະຫາວິທະຍາໄລ ຝ່າຍປະຖົມແລະມັດທະຍົມ
- ໂຮງຮຽນສາທິດມະຫາວິທະຍາໄລສີນະຄະລິນວິໂລດ ປະທຸມວັນ
- ໂຮງຮຽນວັດປະທຸມວະນາລາມ
- ໂຮງຮຽນມາແຕຣ໌ເດອີວິທະຍາໄລ
ສະຖານທີ່ທາງລາຊະການ
- ສະພາກາຊາດໄທ
- ໂຮງໝໍຈຸລາລົງກອນ ສະພາກາຊາດໄທ
- ພິພິດທະພັນສະພາກາຊາດໄທ
- ສວນງູ ສະພາກາຊາດໄທ
- ສຳນັກງານຕຳລວດແຫ່ງຊາດ
- ໂຮງໝໍຕຳລວດ
- ວິທະຍາໄລພະຍາບານຕຳລວດ
ສະຖານທີ່ສຳຄັນທາງພະພຸດທະສາສະໜາ
- ວັດປະທຸມວະນາລາມ ລາຊະວໍລະວິຫານ
- ວັດບໍລົມນິວາດລາຊະວໍລະວິຫານ
- ວັດໄຊມົງຄົນ (ວັດຊ່າງແສງ)
- ວັດສະບົວ
- ວັດດວງແຂ
ສານເທບພະເຈົ້າທາງສາສະໜາຮິນດູ
- ສານພະຕີມູລະຕິ
- ສານທ້າວມະຫາພົມ ເອລາວັນ
- ສານພະນາລາຍຊົງສຸບັນ
- ສານພະພິຄະເນສວນ
- ສານພະລັກສະໝີ
- ສານພະອິນ (ທ້າວອະມະລິນເທວາທິລາດ)
ການເດິນທາງແລະສະຖານທີ່ເຊື່ອມຕໍ່
- ສະຖານີລົດໄຟຟ້າສາຍສີເຂີຍວ (ບີທີເອສ)
- ສະຖານີສະຫຍາມ
- ສະຖານີຊິດລົມ
- ສະຖານີລາຊະດຳລິ
- ສະຖານີເພີນຈິດ
- ສະຖານີສະໜາມກີລາແຫ່ງຊາດ
- ສະຖານີລົດໄຟຟ້າສາຍສີນ້ຳເງິນ
- ສະຖານີຫົວລຳໂພງ
- ສະຖານີສາມຢ່ານ
- ສະຖານີສີລົມ
- ສະຖານີລຸມພິນີ
- ສະຖານີລົດໄຟຫົວລຳໂພງ
- ທ່າເຮືອເຊິງສະພານສະເຫຼີມໂລກ
ສະໜາມກີລາແລະສາທາລະນະໃຈກາງເມືອງບາງກອກ
- ລາຊະກີທາສະໂມສອນ
- ສວນລຸມພິນີ
- ພະບໍລົມລາຊານຸສາວະລີ ພະບາດສົມເດັດພະມຸງກຸດເກົ້າເຈົ້າຢູ່ຫົວ ລາຊະການທີ່ 6
- ສະໜາມສຸພະຊະລາໄສກີທາສະຖານແຫ່ງຊາດ
- ສວນປະທຸມວະນານຸລັກ
ສະຖານທີ່ທາງວັດທະນະທຳ
- ບໍລິການສານນິເທດສະເພາະສາຂາ ຊົນເຜົ່າໄທ-ກະໄດ
- ພິພິດທະພັນບ້ານຈິມ ທອມສັນ
- ພິພິດທະພັນໂຮງຮຽນມາແຕຣ໌ເດອີວິທະຍາໄລ
- ພິພິດທະພັນສົມເດັດພະພັນວັດສາໄອຍິກາເຈົ້າ
- ຫໍສິລະປະວັດທະນະທຳແຫ່ງນະຄອນຫຼວງບາງກອກ
ແຫຼ່ງຂໍ້ມູນອື່ນ
- ເວັບໄຊຕ໌ສຳນັກງານເຂດປະທຸມວັນ Archived 2011-05-29 at the Wayback Machine
- ເວັບໄຊຕ໌ນະຄອນຫຼວງບາງກອກ: ແຫຼ່ງທ່ອງທ່ຽວໃນເຂດປະທຸມວັນ Archived 2005-04-15 at the Wayback Machine
- ແຜນທີ່ເຂດປະທຸມວັນ Archived 2007-09-27 at the Wayback Machine
ອ້າງອີງ
This article uses material from the Wikipedia ລາວ article ເຂດປະທຸມວັນ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). ເນື້ອໃນສາມາດໃຊ້ໄດ້ພາຍໃຕ້ CC BY-SA 4.0 ຖ້າບໍ່ແມ່ນຢ່າງອື່ນໃດທີ່ລະບຸໄວ້. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ລາວ (DUHOCTRUNGQUOC.VN) is an independent company and has no affiliation with Wiki Foundation.