El Simon, ciamaa anca Peder, l'è staa vun di dodes apostoi del Signor.
Pescador de la Galilea comè 'l sò fradell Andrea, l'è staa vun di primm discepoi a vess ciamaa del Gesù, e gh'è semper andaa adree per tutta la predicazzion.
El gh'ha on roeul important in tucc quatter i Vangeli.
Dopo la Pentecost, el deventa el capp de la prima Gesa cristiana, e l'è semper lu a dervì el cristianesim ai conversion di pagan. La soa predicazzion le mena fina a Roma, indè che 'l moeur ai temp di persecuzzion del Neron.
L'è veneraa 'me sant de quasi tutt i Ges cristiann: in quella catolega, in particolar, l'è consideraa el primm Papa, e tucc i pontefis se consideren sò sucessor.
L'è 'l patron di fornee, becchee, pescador, cordee, bagatt, piccapreja, oltra che de la città de Roma.
This article uses material from the Wikipedia Lumbaart article San Peder, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). El contegnud a l'è disponibil sota la licenza CC BY-SA 4.0, se l'è minga indicad diversament. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lumbaart (DUHOCTRUNGQUOC.VN) is an independent company and has no affiliation with Wiki Foundation.