Egit Antich

Articul por Ladin Val Badia

4000 agn, dal 3900 dan C. cun la Perioda predinastica al 342 do C. cun la Perioda tardia y tol ite dal 3200 dan C. inant ca trënta dinasties regnantes.

La zivilté dl Egit Antich s’á svilupé tla valada dl Nil y apié ia dal confin cun le Sudan da aldedaincö cina al delta dl Nil tl Mer Mediteran te n’estenjiun de ca. 1000 km.

La zivilté dl Antich Egit é danter les plü importantes tla storia dl’umanité y á arjunt n svilup d’ezeziun tl’architetöra y tl’astronomia. Les costruziun plü rapresentatives dla zivilté dl Egit Antich é les Piramides de Giza y la Sfingia. La religiun ê fondamentala tla sozieté dl Egit Antich. Le faraun ê le monarch asolut y gnô araté descendënt dla divinité Osiris y la incarnaziun dla divinité Horus. Danter i farauns plü importanc él Ramses II "Le Gran" y Hatshepsut.

• Perioda Predinastica ca. 3900 – 3150 dan C.
• Perioda Protodinastica ca. 3150 – 2686 dan C.
• Rëgn Antich 2700 – 2192 dan C.
• Pröma perioda danterite 2192 – 2055 dan C.
• Rëgn Mesan 2055 – 1650 dan C.
• Secunda perioda danterite 1650 – 1550 dan C.
• Rëgn Nü 1550 – 1069 dan C.
• Terza perioda danterite 1069 – 664 dan C.
• Perioda tardia 664 – 332 dan C.

• Egit tolemaich 332 – 30 dan C.
• Egit roman y bizantin 30 dan C. – 641 do C.

• Concuista islamica dl Egit 641 – 654

Storia antica