Quésta pàgina a contêgne a lìsta di fûzi oràri do móndo, mostràndo a diferénsa in ôe e menûti de ciaschedùnn-a ôa locâle da-o Ténpo Cordinòu Universâle (in sìgla UTC), da quéllo ciù a ponénte (-12) a quéllo ciù a levànte (+14).
A l'inclùdde i pàizi e e regioîn che òservan 'sti oràri into perîodo de l'ôa solâre o pe tùtto l'ànno. A fonçión prinçipâ de quésta pàgina a l'è dónca quélla de fâ a lìsta de diferénse de oràrio stàndard di divèrsci pàizi, teritöi e regioîn.
ZE | Quésta pàgina a l'é scrîta in léngoa zenéize A Grafîa adeuviâ a l'é quélla de l'Académia Ligùstica do Brénno |
I lêughi inti quæ a l'à òservâ l'ôa legâle (daylight saving time, in sìgla DST) inti rispetîvi perîodi estîvi són elencæ 'na sôla vòtta, in corispondénsa da diferénsa de fûzo con l'UTC into sò perîodo invernâle, de sòlito dîto "stàndard" ascì. A fónte prinçipâ pe de informaçioîn detagiæ in sce l'ûzo e a stöia de l'aplicaçión de l'ôa legâle o l'è o coscì dîto database tz. Da notâ cómme però, sorviatùtto in de zöne de confìn, spécce pe raxoîn econòmiche, gh'è numerôzi câxi de òservaçión no ofiçiâ de 'n divèrso fûzo, e/ò ôa legâle.
Inti nómmi de seçioîn, a létia dòppo l'ôa do fûzo a l'è quélla dêuviâ inte l'arfabêto fonètico da NATO pe fâ riferiménto a quélla çèrta fàscia orària. Into câxo o ghe foîse 'n scìnbolo "†" ò "*", o vêu di che l'ûzo de 'na çèrta létia o l'è riferîo a 'n fûzo divèrso da quéllo stàndard.
Çèrte àree che se trêuvan in pàrte a-a mæxima longitùdine, a-a meitæ de l'Òcéano Pacìfico, pêuan diferî de bén 24 ôe, avéndo a mæxima ôa ma a dæta ch'a l'à 'na diferénsa de 'n giórno. Diferénsa ch'a pêu arivâ scìnn-a 'n mascìmo de 26 ôe, sénpre tra de îzoe do Pacìfico.
This article uses material from the Wikipedia Lìgure article Lìsta di fûzi oràri, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). O contegnûo o l'é disponìbile in sciâ bâze da licénsa CC BY-SA 4.0, se o no l'é diversaménte specificòu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lìgure (DUHOCTRUNGQUOC.VN) is an independent company and has no affiliation with Wiki Foundation.