Dialetto Monegasco

O dialetto monegasco (in grafîa monegasca: dialetu munegascu) o l'é 'na variante da lengoa ligure, scìmile a-o dialetto vintimiggéize, parlòu into Prinçipâto de Mónego, o quæ o-o ciamma Léngoa Monegasca (in grafîa monegasca: lenga munegasca). O l'é conscideròu “Léngoa naçionâle” de Mónego e o se insegna ofiçialmente inte schêue do Prinçipâto.

Monegàsco Munegascu
Parlòu in	Mónego
Parlànti
Totâle	5.100 (1988)
Clasificaçión
Filogénezi	Lengue indoeuropee  Italiche   Romanze    Romanze de ponente     Gallo-Italiche      Ligure       Ligure òcidentâle        Monegàsco
Statûto ofiçiâ
Regolòu da	Commission pour la langue monégasque
Còdici de clasificaçión
Linguist List	lij-mon (EN)
Glottolog	mone1238 (EN)
Linguasphere	51-AAA-cha

Dapeu a conceçión inperiâle de Mónego a Zêna, a léngoa ligure a s'è difûza into Prinçipâto; a ògni mòddo, co-o pasâ di sécoli, o dialetto monegasco o l'à riçevûo ciù influense da-o Provensâle e da-o Françèize rispètto a-i âtre variante liguri.

Comme atri dialetti e lengoe locali, l'ûzo do monegasco o l'é cheito quæxi a zêro into dòppo goæra. Into 1924 un grùppo de gente do paise ma anche de studioxi fondan o Comitato de Tradissuin Monegasche pe sarvâlo, se donque o saieiva sparîo. Into 1982, o Prinçipe Ranieri III o dixe: "Laisser mourir une langue, c'est ternir à jamais l'âme profonde d'un peuple, c'est renoncer pour toujours à l'un des legs les plus précieux de son passé" (Lasciâ moï 'na lengoa o l'é comme bruttâ pe sempre l'anima d'un pòpolo, renonçiâ pe de longo a unn-a de ereditæ ciù preçioze do sò passòu). Ancheu, o monegasco o se stùdia inte schêue de l'òbrigo scinn-a a-e médie. Into mæximo mòddo che in çerte parti da Fransa, o l'é poscibile dâ l'esame da maturità (o bacalauréat) in dialetto. L'artexan do repiggio òrâle do monegasco o l'é stæto o René Novella (1922-2018), antigo segretâio de Stato e prescidénte de l'académia dialettale de Monego. Monego o l'é o sôlo leugo a-o mondo donde 'na varietæ do zeneize a l'é consciderâ comme 'na lengoa. A despeto de tùtto, gh'é sempre pöchi parlanti feua da schêua, e quelli ch'o parlan àn a còcina françeize.

 

A grafîa utilizâ pe scrîe in monegasco a l'é ciù scìmile a-a grafîa italiann-a rispètto a-a grafîa clascica ò a-a grafîa ofiçiâ do lìgure. Écco chi e prinçipâi diferense:

• E lettere "O" e "U" se pronûnçian cómme in italiàn
• A lettera "J" se pronûnçia cómme in françèize
• A lettera "Ü" se pronûnçia cómme in tedésco
• A lettera "Œ" indica o són "é"
• A lettera "Ë" indica a vîa de mèzo tra "i" e "e"
• A lettera "Y" indica 'na "i" intervocâlica

Ün munegascu

A lenga munegasca è ra lenga d'u Principatu de Mu̍negu.

Da u 1976 a lenga munegasca è ünsegnà ünt'ë scoere segundu a vuruntà d’u Prìncipu Rainiè terçu.

Ra lenga ufiçiale de Munegu per e legi e r'aministraçiun è ru françese,

ma r'inu naçiunale è en munegascu:

https://www.youtube.com/watch?v=bTBrRksWGUY

cu imagini, ma nun è ben prununçà:

https://www.youtube.com/watch?v=muPHxHTup_c&list=RDmuPHxHTup_c&start_radio=1

In zeneize

A léngoa monegasca a l'é a léngoa do Prinçipâto de Mónego.

Da-o 1976 a léngoa monegasca a l'é insegnâ inte schêue segondo a voentæ do Prìnçipe Rainé terso.

• Cartélli bilìngoe françéize-monegàsco
•  
•  
•  
•  
•  
•  
•  

• Gramatica
• Diçiunari (françese-munegascu)
• Diçiunari (munegascu-françese) I , II