Dit artikel is gesjreve (of begós) in 't Mestreechs.
Laes hie wie v'r mit de versjillende saorte Limburgs ómgaon.
Stanley Kubrick (New York City New York, 26 juli 1928 - Londe Ingeland, 7 miert 1999) waor 'ne Amerikaanse filmregisseur, dee bekind steit um zien expirementele films.
Kubrick greujde op in The Bronx, 'n wiek in New York City. Heer begós 'n enorm interesse veur media te kriege wie heer 'ne fotocamera kraog veur ziene twelfde verjaordaag. Heer maakde in de ganse stad foto's vaan versjèllende gebäörtenisse. Heer begós dao zoe good in te weure, tot heer op zien 16e e kontrak kraog bij 'n tiedsjrif.
Wie heer wèrkde bij 't tiedsjrif, kaom heer in aonraking mèt 'n filmproducent dee 'n documentaire wèlde make vaan 10 minute. Kubrick leek dao wel gesjik veur, en heer kós aon de slag. Nao 'n paar aander korte filmkes te höbbe gemaak (veural commercials), voond heer tot 't tied waor um 'ne fictiefilm te make, boe heer iers väöl cent veur mós spaore. Dee film woort bekans volledeg opgenómme in 't Central Park. Verassend genog woort de film in New York City 'n hit. Mèt de opbrings vaan de film kos heer ziene ierste groete film make, naomelek: Killer's Kiss. Evels waor dee film ouch 'ne lowbudget-film, mer toch hadde de groete studio's interesse getoend. Nao 1955 góng 't snel. Heer maakde bekinde films, wie: 2001: A Space Odyssey en A Clockwork Orange.
This article uses material from the Wikipedia Limburgs article Stanley Kubrick, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhawd is besjikbaar ónger de CC BY-SA 4.0 behauve is angers aangegeve. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Limburgs (DUHOCTRUNGQUOC.VN) is an independent company and has no affiliation with Wiki Foundation.