Stanley Kubrick

Heta tapicha he'i chugui ha'ehague peteĩ ta'angamýi motenondehára ipokatuvéva sa'ary XX pegua, ojekuaaite ichupe ijaporeko hekopeteitévagui ha hembiapo katégui, upéicha avei ojekuaa ichupe umi ta'angamýi ojapo tuicha mba'e he'iséva. Heñói Manhattan-pe, hákatu oiko imitã aja Brooklyn-pe ohasa'asy oikokuévo Kangy Guasu Ára Pukukue; ikoygua ha ikirirĩ mbo'ehaópe, ha noĩporãi mbo'epy rembiapópe, upévare ndaikatúi oike peteĩ mbo'ehaorusúpe ha oiko va'erã ovendévo fóto kuatiañe'ẽme guarã, oha'ãvo pirapirére ha ohugávo irundykejojaty, upépe oikuaa James B. Harris-pe ha hendive omopu'ã peteĩ ta'angamýi apoha róga, omba'apo riremi ta'angamýi apópe 1951 rire. Pirapire omono'õ va'ekue reheve, ojapo ha'angamýi mbyky peteĩha, Day of the Fight, upe rupive ojehepyme'ẽmi ichupe RKO Pictures ojogua rire ha'angamýi. Ko RKO Pictures ohepyme'ẽve ichupe ojapo hag̃ua ambue ta'angamýi, peteĩ ta'angamýi momaranduha orekóva 9 aravo'i hérava Flying Padre.

Stanley Kubrick
Mba'érepa omano	ñe'ãsoro
Hetã	estadounidense británico
Etnia	judíos estadounidense
Alma máter	City College of New York y William Howard Taft High School
Hembiapo	fotógrafo, director de cine, guionista, productor, editor
Jokuaikuaa rape	tupãre ndojeroviáiva
Omendáva	Toba Etta Metz (1948–1951) Ruth Sobotka (1954–1957) Christiane Kubrick (1958–1999)
Taýra	3
Jopói	BAFTA Academy Fellowship Award, Óscar a los mejores efectos visuales, León de Oro por la carrera, Science Fiction and Fantasy Hall of Fame, comendador de las Artes y las Letras, Anexo:National Board of Review por Mejor Película, BAFTA al mejor director, premio Hugo a la mejor presentación dramática y Gran Premio Honorífico
Firma
[editar datos en Wikidata]

Upe rire ojapo ha'angamýi tee peteĩha, Fear and Desire (1953), upe rire ou Killer's Kiss (1955), peteĩ ta'angamýi pytũ, ko hembiapópe ikatu ojehechakuaa heko tee ñepyrũha, upégui avei onohẽ Quentin Tarantino hemimo'ã ojapo hag̃ua ha'angamýi herakuãitéva Pulp Fiction

Umi 13 ha'angamýi apytépe oĩ heta herakuãitéva, ko'ágã ojehechakuaa clásico ramo, ha'éva: Paths of Glory (1957), Spartacus (1960), Lolita (1962), Dr. Strangelove or: How I Learned to Stop Worrying and Love the Bomb (1964), 2001: A Space Odyssey (1968), A Clockwork Orange (1971), Barry Lyndon (1975), The Shining (1980), Full Metal Jacket (1987) ha Eyes Wide Shut (1999).