Zoufftgen: Franséisch Gemeng
Zoufftgen ass eng franséisch Uertschaft a Gemeng an der Regioun Grand Est am Departement Moselle.
| |||||
|---|---|---|---|---|---|
.svg) | |||||
 D'Märei vu Zoufftgen | |||||
| Land |  Frankräich | ||||
| Regioun | Grand Est | ||||
| Departement |  Moselle | ||||
| Arrondissement | Thionville | ||||
| Kanton | Yutz | ||||
| Postcode | 57330 | ||||
| Gemengecode | 57764 | ||||
| Koordinaten | 49° 27’ 47’’ N 06° 08’ 01’’ O | ||||
| Fläch | 1.670 ha | ||||
| Bevëlkerung | 684 (2007) | ||||
An der Uertschaft, déi zum Arrondissement Thionville, am Kanton Yutz gehéiert, an deen eng Fläch vu 16,7 km² huet, liewe 684 Awunner (Stand 2007).
D'Uertschaft gehéiert zanter dem Grenzvertrag vum 16. Mee 1769 tëscht dem Kinnek vu Frankräich an der Maria Theresia vun Éisträich, mat Ënnerbriechung vun 1871 bis 1918 (Reichsland Elsass-Loutrengen), zu Frankräich.
Zoufftgen ass un d'Stroossennetz ugeschloss iwwer d'Departementstrooss D56, an ee Wee deen op d'lëtzebuergesch Grenz féiert, wou en iwwer den CR160 Uschloss un dat lëtzebuergescht Stroossennetz huet.
Awunner
D'Awunner ginn op Franséisch "Zoufftgenois" genannt.
Geographie
Zoufftgen grenzt am Norden un Diddeleng. Nërdlech an ëstlech vum Gemengenterritoire leie Bëscher.
Nopeschuertschaften
- Dodenom (Duedenuewen) am Osten
- Roussy-le-Village (Rëttgen) am Osten
- Boust am Südosten
- Kanfen am Süden
- Diddeleng (Lëtzebuerg) am Nordwesten
Ongléck
Den 11. Oktober 2006 sinn zu Zoufftgen, genee op der Grenz mat Lëtzebuerg, e Voyageurs- an e Marchandisenzuch frontal aneneegerannt. Sechs Leit sinn dobäi gestuerwen.
Méi Informatioun doriwwer am Artikel: Zuchaccident zu Zoufftgen.
Bekannt Leit
- De Generol Monhoven
Kuckt och
- Departement Moselle
- Arrondissementer am Departement Moselle
- Kantonen am Departement Moselle
- Lëscht vun de Gemengen am Departement Moselle
Um Spaweck
| Commons: Zoufftgen – Biller, Videoen oder Audiodateien |
This article uses material from the Wikipedia Lëtzebuergesch article Zoufftgen, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.