Rieder Bëschkierfecht
De Rieder Bëschkierfecht ass e Kierfecht am Rieder Bësch zu Rued-Sir.
E läit zirka 300 m nordwestlech vum traditionelle Kierfecht vun der Uertschaft.
 D'Entrée vum Rieder Bëschkierfecht mam Informatiounspanneau | |
| Land | Lëtzebuerg |
|---|---|
| Gemeng | Betzder |
| Fläch | 16,91 ha |
| Ugeluecht | 2011 |
| Koordinaten | 49° 40’ 04.90’’ N 06° 17’ 41.43’’ O |
 | |
.jpg)
Et ass deen eelste Bëschkierfecht no deem Konzept zu Lëtzebuerg. E gouf den 2. Mee 2011 offiziell virgestallt.
De Rieder Bëschkierfecht huet eng Fläch vu 16,91 ha, wouvun an enger éischter Phas, vun 2011 bis 2013, 2 ha benotzt ginn. De Kierfecht steet den Awunner vu ganz Lëtzebuerg zur Dispositioun.
D'Äsche vun de Verstuerwene gi bei de Wuerzele vu Beem, déi dofir erausgesicht goufen, begruewen.
De Kierfecht gouf vun der Gemeng Betzder an der Natur- a Bëschverwaltung, déi sech och ëm den Ënnerhalt këmmeren, zesumme mat der Stëftung Hëllef fir d'Natur vun natur&ëmwelt an Omega 90 realiséiert. Och déi Verantwortlech vun der kathoulescher Kierch vu Lëtzebuerg hu mat hirem Rot bäigedroen.
Eng Pilotphas vun zwee Joer
An enger éischter Phas goufen 48 Eechen op enger Fläch vun 2 ha ausgewielt a mat enger Plackett markéiert. Et sinn dat Beem, déi eng Liewenserwaardung vun nach wéinstens 100 Joer hunn. No der Pilotphas, vun 2011 bis 2013, kann, wann néideg, de Rescht vum Kierfecht benotzt ginn.
Gestioun vum Kierfecht
De Bësch vum Kierfecht soll naturno erhale bleiwen. Dofir däerfe weeder Planzen nach Blummekränz oder Steng op de Grafplazen deposéiert ginn. De Kierfecht ass fräi zougänglech an ass net mat engem Zonk ëmginn.
Ronderëm all Bam kënnen d'Äsche vun 10 Persoune begruewe ginn. Op de Bamstämm gi kleng Erënnerungsplacken un déi Verstuerwe fixéiert. Intresséiert Leit kënne Konzessioune fir 15 oder 30 Joer kafen, dat fir 200 respektiv 400 Euro. Och Konzessioune fir Familljebeem si virgesinn.
Quellen
- Dépliant vun der Gemeng Betzder an der Natur- a Bëschverwaltung, online ënner [1]
- Schartz, N., 2011. Eine Ruhestätte im Wald. Luxemburger Wort vum 3. Mee 2011, S. 31.
Kuckt och
- Naturschutzgebitt Hierden an de Gemenge Betzder a Fluessweiler
- Lëscht vun de Kierfechter zu Lëtzebuerg
Um Spaweck
| Commons: Rieder Bëschkierfecht – Biller, Videoen oder Audiodateien |
This article uses material from the Wikipedia Lëtzebuergesch article Rieder Bëschkierfecht, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.