Mandelbam

Dëse Biologiesartikel ass eréischt just eng Skizz. Wann Dir méi iwwer dëst Theema wësst, sidd Dir häerzlech invitéiert, aus dëse puer Sätz e richtegen Artikel ze schreiwen. Wann Dir beim Schreiwen Hëllef braucht, da luusst bis an d'FAQ eran.

Dësen Artikel beschäftegt sech mat dem Uebstbam. Fir lymphateschen Organen, kuckt wgl. Mandelen (Anatomie).

D'Aart gouf 1768 vum brittesche Biolog Philip Miller fir d'éischt beschriwwen.

Mandelbam

E Mandelbam an der Bléi
An anere Sproochen	fr: amandier de: Mandelbaum
Wëssenschaftlech Klassifikatioun
Räich	Planzeräich
Ënnerräich	Tracheobionta
Ofdeelung	Bléieplanzen
Klass	Magnoliopsida
Ënnerklass	Rosopsida
Uerdnung	Rosales
Famill	Rosaceae
Ënnerfamill	Rosoideae
Gattung	Prunus
Wëssenschaftlechen Numm
Prunus dulcis
(Mill.) D.A. Webb, 1967

D'Mandelbeem kommen ursprénglech aus Zentral- a Südwestasien an Nordafrika. 2007 hunn d'USA zirka 1.043.000 t Mandele produzéiert (déi 1. Plaz).

Et ass e Lafholzbamm de seng Blieder am Wanter verléiert. D'Blieder sinn donkelgréng, 8 bis 12 cm laang, lanzettefërmeg gespëtzt, mat ganz klengen Zänn um Bord a se si liicht blénkeg. D'Bléie sti schosselfëmerg um blanken Aascht, a bilden eng Coupe vu bis zu 5 cm Duerchmiesser. Se kënnen eenzel sinn oder duebel a si rosa oder wäiss. D'Varitéit Roseplena huet nemmen duebel a rosa Bléien. D'Fruucht ass 4 – 6 cm laang, eefërmeg, mat enger samettgrénger Haut, mat bannendran enger iessbarer Mandel.

D'Mandel enthält vill Vitaminn E, Proteinnen, Lipiden, Mineraler (Kalzium, Eisen, Zénk, Magnesium, Phosphor a Kalium). Den Nierwäert vun 100 g läit bei 579 kcal.

• Mandelueleg,
• Mandelmëllech,
• Marzipan,
• Frangipane-Crème.