D'Luxemburgerli, eng Spezialitéit vun der Confiserie Sprüngli zu Zürich, sinn e Macaronsgebäck, déi et an de Goûte Vanill, Karamell, Zitroun, Mokka, Schampes, Schockela, Hieselnoss an Hammbier gëtt.
D'Rezept vun de Luxemburgerli huet e jonke lëtzebuergeschen Zockerbäcker, de Camille Studer, deen an der Confiserie Namur zu Lëtzebuerg geschafft hat, zu Zürich entwéckelt. D'Basis vum Rezept war e Rezept vu franséischem Zockergebäck, dat de Camille Studer am Joer 1957 bei engem interne Concours bei Sprüngli weiderentwéckelt huet. Well hien do deen eenzege Lëtzebuerger war, hat hie vun de Kolleegen de Spëtznumm Luxemburgerli kritt, a sou ass säi Gebäck hannenno genannt ginn.
An der Confiserie Sprüngli, déi an der Tëschenzäit den Numm Luxemburgerli als Mark protegéiert huet, ginn haut all Dag eng 650 Kilo där Schneekereie fabrizéiert.
D'Schwäizer Boulevard-Zeitung Blick huet den 11. September 2008 op hirer Titelsäit stoe gehat: "Luxemburgerli vernaschen Schweizer Käseköpfe". De Grond: d'Lëtzebuergesch Foussballnationalekipp hat den 10. September 2008 zu Zürich 2:1 géint d'Schwäiz gewonnen.
Commons: Luxemburgerli – Biller, Videoen oder Audiodateien |
This article uses material from the Wikipedia Lëtzebuergesch article Luxemburgerli, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.