Zentralasien, dacks och Mëttelasien genannt, ass am Zentrum vum asiatesche Kontinent a gëtt delimitéiert duerch d'Kaspescht Mier am Westen, Russland am Norden, China am Osten an Afghanistan am Süden.
Et gëtt verschiddene Definitioune fir déi exakt Kompositioun, a keng vun deenen Definitiounen ass universell acceptéiert. Gemenkerhand gehéieren op d'mannst 5 fréier Sowjetrepubliken dozou: Kasachstan, Kirgisistan, Usbekistan, Tadjikistan an Turkmenistan, mat enger Gesamtpopulatioun vun 61,5 Milliounen (2009) op 4,003,400 km2. Absënns am englesche Sproochraum schwätzt een dowéinst och alt emol vun de 5 "Stan-en".
Aner Gebidder déi dacks dozou gezielt gi sinn d'Mongolei, Afghanistan, den Norden a Weste vu Pakistan, den Nordoste vum Iran, an heiansdo souguer westlech Deeler vu China a Südsibirien.
Et kann ee soen, datt Zentralasie sech historesch gesinn iwwer seng nomadesch Vëlker an d'Seidestrooss definéiert.
This article uses material from the Wikipedia Lëtzebuergesch article Zentralasien, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Den Text ass ënner der CC BY-SA 4.0 disponibel wann et net anescht uginn ass. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Lëtzebuergesch (DUHOCTRUNGQUOC.VN) is an independent company and has no affiliation with Wiki Foundation.