Terra Ignium (adiectivum fuegianus, Hispanice Tierra del fuego) est archipelagus ante maxime australem continentis Americae Australis apicem, plerumque trans Fretum Magellanicum iacens et Drakeanum comprehendens.
Quae corona insularum consistit in Grande Insula Terrae Ignium (maxima insula, saepe etiam Terra Ignium ipsa vocata), cuius area superficialis 48 100 chiliometra quadrata est, atque in grege multarum variarum magnitudinum insularum, inter quas insigniter Hornanum Caput promontorium et Insulae Diego Ramírez numerantur. Omnis regionis terra inter Tsiliam et Argentinam dividitur, quarum Argentina orientale principalis insulae dimidium, ac Tsilia dimidium occidentale et insulas ad australem Canalis Beagle versus et insulas maxime australes temperat. Maxime australis archipelagi pars paene ad septentriones latitudinis 56°S patet.
Prima colonia humana in Terra Ignium nota abhinc annorum 10 000 fere constituta est. Navigatores Europaei has insulas primum per expeditionem Ferdinandi Magellani anno 1520 exploraverunt. Terra Ignium et nomina similia ex ignibus festis ab indigenis factis appellabantur.
Anno 1520, Ferdinandus Magellanus primus eas insulas detexit cum orbem terrarum circumnavigare conaretur. Ei nomen Terra Ignium dedit cum ignes incolarum videre crederet. Putabat eos naves eius igne perdere velle. Hodie putatur hos ignes res naturales fuisse.
Iacobus Le Maire (ca. 1585–1616), nauta Nederlandicus, primum promontorium Hornarum circumnavigavit, sic Terram Ignium continentem non esse demonstrans.
Anno 1881, Terra Ignium ab Argentina Tsiliaque in duas partes divisa est. Pars occidentalis maximae insulae et omnes insulae australes et occidentales Tsiliae provinciae Regioni Magellani (Hispanice Región de Magallanes y de la Antártica Chilena) est. Regio orientalis maximae insulae Argentinae est (pars provinciae Tierra del Fuego).
Solum 30 centesimae insularum silvas sustinent, quae in classem silvarum subpolarium Magellanicarum discribuntur. Septentrio et orientalis regionis pars ex steppis et semidesertis frigidis constat.
Sex arborum species in Terra Ignium inveniuntur, quae sunt Drimys winteri, Maytenus magellanica, Pilgerodendron uviferum (maxime australis orbis terrarum conifer), et tres species generis Nothofagi: Nothofagus antarctica, Nothofagus pumilio, et sempervirens Nothofagus betuloides. Aliquot plantae fructiferae in spatiis apertis inter has silvas crescunt, sicut Fragaria chiloensis var. chiloensis forma chiloensis) et Berberis buxifolia, cuius fructus ab Indis Americanis et colonis Europaeis diu colliguntur. Quae sunt solae orbis terrarum silvae in climate cui sunt aestates tales frigidi. Arbores paene ad maxime australem Americae Australis apicem extenduntur, ubi venti sunt tam fortes ut arbores in spatiis ad ventos expositis formas tortas exhibeant, ut homines eas arbores vexillares appellant. Vegetatio arborea usque ad australem regionis apicem extenditur, ad Insulam Hornos, quamquam Insulae Wollastonenses a tundra subantarctica plerumque teguntur, praeter in spatiis a vento protectis, ubi arbores melius supervivere possunt.
Inter animalia notissima in archipelago numerantur aves Enicognathus ferrugineus (Psittacidae), Laridae, Alcedinidae, Cathartidae, Aptenodytes patagonicus (Spheniscidae), Strigiformes, et Sephanoides sephaniodes (Trochilidae), ac mammalia Lama guanicoe (Camelidae) et vulpes (Canidae).
Maria circa archipelagum pervarias cetaceorum species sustinent. Eubalaenae australes (Balaenidae) in Terra Ignium magis atque magis annis 2000s videntur. Similiter quinque Balaenopteridae: Megaptera novaeangliae, Balaenoptera musculus, Balaenoptera physalus, Balaenoptera borealis, et Balaenoptera bonaerensis. Peregrinatores in canale Beagle rara cetacea endemica saepissime visunt, inter quae certae delphinidae et Caperea marginata (Cetotheriidae), species quae haud bene investigata est.
Inter pinnipedia quae regiones Terrae Ignium habitant sunt Otaria flavescens (Otariidae), Arctophoca australis (Otariidae), Hydrurga leptonyx (Phocidae, carnivorum quod alia pinnipedia venatur), et Mirounga leonine (Phocidae).
Vicimedia Communia plura habent quae ad Terram Ingnium spectant. |
Situs geographici et historici: Locus: • OpenStreetMap • GeoNames • Thesaurus Getty • Store norske Lexikon • Большая российская энциклопедия |
This article uses material from the Wikipedia Latina article Terra Ignium, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Textus sub CC BY-SA 4.0 praebetur nisi aliter indicatus. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Latina (DUHOCTRUNGQUOC.VN) is an independent company and has no affiliation with Wiki Foundation.