Матьё Мирей
Матьё Мирей (22.
7. 1946-жылы туулган, Авиньон) – француз эстрада ырчысы. Атайын музыкалык билим алган эмес. Композитор, пианист П. Мориадан сабак алган. 1864-жылы шаардык ыр конкурсунда жеңишке жетип, 1965-жылы телекөрсөтүүгө ырдап чыккан. 1966-жылы «Олимпия» залындагы концерти ийгиликке ээ болгон. Матьёнин стилинин калыптанышына белгилүү шансон ырчы Шевалье зор таасир тийгизген. Көптөгөн чет өлкөлөрдө гастролдо болгон. СССРге (биринчи жолу 1967-жылы) жана РФке бир нече жолу келген, 1975-жылы Нью-Йоркто Карнеги-холдо ырдаган. Репертуарын француз композиторлорунун (Ж. М. Жарра, Ф. Лея, М. Легран, П. Мориа ж. б.) ырлары, дүйнөлүк ыр маданиятынын шедеврлери түзөт. 70ке жакын альбому бар. «Журналист» кинофильмине тартылган (1967, режиссёр С. А. Герасимов), Ардактуу Легион ордени менен сыйланган.
Колдонулган адабияттар
- “Кыргызстан” улуттук энциклопедиясы: 5-том. Башкы редактору Асанов Ү. А. К 97. Б.: Мамлекеттик тил жана энциклопедия борбору, 2014. илл. ISBN 978 9967-14-111 -7
This article uses material from the Wikipedia Кыргызча article Матьё Мирей, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Башкача белгиленбесе, мазмун CC BY-SA 4.0 лицензиясына ылайык жеткиликтүү. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Кыргызча (DUHOCTRUNGQUOC.VN) is an independent company and has no affiliation with Wiki Foundation.