ចចជី

ប្រទេសចចជី ឬ ហ្សកហ្ស៊ី (ភាសាចចជី៖საქართველო, ប្រកប៖ សា–ខាត់–វ៉េ–ឡូ) គឺជាប្រទេសមួយស្ថិតនៅតំបន់កូកាស៊ី ពោលគឺនៅចំណុចប្រសព្វនៃតំបន់អឺរ៉ុបខាងកើត និងអាស៊ីខាងលិច។ ប្រទេសនេះមានព្រំប្រទល់ខាងលិចជាប់សមុទ្រខ្មៅ ប្រទេសរុស្ស៊ីនៅភាគខាងជើងនិងកើត តួកគីនិងអាមេនីនៅភាគខាងត្បូង និងប្រទេសអាស៊ែបៃសង់នៅភាគអាគ្នេយ៍។ វាបានគ្របដណ្តប់លើផ្ទៃដីចំនួន ៦៩,៧០០ គីឡូម៉ែត្រការ៉េ និងមានប្រជាជនចំនួន ៣.៧ លាននាក់ ដោយមិនរាប់បញ្ចូលដែនដីត្រួតត្រា។ ទីក្រុងប៊ីលីស៊ីគឺជារដ្ឋធានី និងត្រូវជាទីក្រុងធំបំផុតក្នុងប្រទេសដែលមានប្រជាជនរស់នៅប្រហែលមួយភាគបួននៃចំនួនប្រជាជនសរុប។