Georgië (In et Georgies: საქართველო, latiniseerd: Sakartvelo), is een laand in de Kaukasusstrekke van Eurazië.
Et ligt op de greanze van Azië en Europa. In et westen ligt et tegen de Zwarte Zee, op et noorden tegen Ruslaand, op et zuden tegen Turkije en Armenië en op et zuudoosten tegen Azerbeidjan. De heuwdstad en grötste stad is Tbilisi. Georgië is ongevear 69.700 km² en hef zowat 5 miljoen inwonners. Georgië is ne semi-presidentsjele reppubliek, woerbie as de regearing ekeuzen wörd in ne demokrasie met ofveardiging. President op Georgië is Salome Zourabichvili.
საქართველო (Sakartvelo) | ||
Kaarte van Georgië | ||
Informasie | ||
Sproaken | Georgies | |
Heufdstad | Tbilisi | |
Geleuf | Orthodox Kristendom | |
Laand en inwonners | ||
Oppervlakte | 780.580 km² | |
Inwonners | 4.935.880 | |
Koordinaten | , 44° 47′ O | |
Oaverig | ||
Munteenheid | Lari (GEL ) | |
Tiedzone | +4 | |
Web | Kode | Tel. | .ge | GE | 995 |
Tiedens de Klassieke Ooldheid warren der verskeidene keuninkrieke in et gebeed wat non Georgië is. De keuninkrieken Colchis en Iberië wörden Kristelik in den 4den eeuw. Et verenigde Keuninkriek Georgië was in den 11den en 12den eeuw an zinnen top oonder keunink David IV van Georgië en Keuniginne Tamar. Doarnoa köm et oonder een antal grote rieken, zo as de Safaviden, Afsjariden en de Qajarparzen.
An et eande van den 18den eeuw gung et keuninkriek Kartli-Kakheti een verboond an met et Russiese Riek. Ruslaand liefden Georgië in in 1801. Noa ne korte onofhaankelikheid noa de Russiese Revolusie van 1917 wör Georgië bezat duur Sovjetruslaand in 1921. Et wör lid van de Sovjet-Unie as de Sosjalistiese Sovjetreppubliek Georgië. Noa ofsplitsing in 1991 har Georgië te lieden van den Georgiesen Börgeroorlog en een ekonomies deeptepeunt gedoerende de negentiger joaren van den 20sten eeuw. Dit doerden töt de Rozenopstaand van 2003, woernoa as de nieje regearing demokratiese en ekonomiese verniejinge duurvoorden.
Georgië is lid van den Europesen road en de GUAM. Et hef twee de fakto onofhaankelike strekken: Abgazië en Zuud-Osseetsië. Dee mut neet op völle internasjonale erkenning rekkenen noa de Oorlog van Zuud-Osseetsië in 2008. Georgië en een groot deel van de internasjonale gemeenskop zeet disse strekken as Georgiaans gebeed oonder Russiese bezetting.
Dit artikel is eskreaven in et twentsk. |
This article uses material from the Wikipedia Nedersaksisch article Georgië, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). De inhold is beskikbår under de CC BY-SA 4.0 as der niks anders angeaven is. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Nedersaksisch (DUHOCTRUNGQUOC.VN) is an independent company and has no affiliation with Wiki Foundation.