კახაბერ „კახა“ კაჭარავა (დ.
19 სექტემბერი, 1966, სენაკი, საქართველოს სსრ) — ქართველი და საბჭოთა ფეხბურთელი და მწვრთნელი. თამაშობდა თავდამსხმელისა და ნახევარმცველის პოზიციაზე. სხვადასხვა დროს იცავდა საქართველოს, კვიპროსის, თურქეთის, გერმანიის საფეხბურთო კლუბებისა და საქართველოს ეროვნული ნაკრების ღირსებას. 1989–1992 წლებში თბილისის „დინამოს“ შემადგენლობაში ჩატარებულ 96 შეხვედრაში 54 გოლი გაიტანა.
პირადი მონაცემები | |||
---|---|---|---|
სრული სახელი | კახაბერ კაჭარავა | ||
დაბადების თარიღი | 19 ნოემბერი, 1966 | ||
დაბადების ადგილი | სენაკი, საქართველოს სსრ, სსრ კავშირი | ||
სიმაღლე | 184 სმ | ||
სათამაშო პოზიცია | თავდამსხმელი ნახევარმცველი | ||
პროფესიონალური კარიერა* | |||
წლები | გუნდი | მატჩი | (გოლი) |
1985 | სამეგრელო ჩხოროწყუ | ||
1986–1987 | ლოკომოტივი სამტრედია | 47 | (7) |
1988 | ტორპედო ქუთაისი | 29 | (15) |
1989–1992 | დინამო თბილისი | 96 | (54) |
1992–1994 | ოლიმპიაკოსი ნიქოზია | 45 | (20) |
1994 | ტრაბზონსფორი | 7 | (2) |
1995 | დინამო თბილისი | 1 | (0) |
1995–1996 | ტენის–ბორუსია ბერლინი | 1 | (7) |
1996–1998 | ჰომბურგი | 61 | (19) |
1998–2000 | ვალდჰოფი | 5 | (1) |
2000–2001 | იბერია სამტრედია | 1 | (0) |
ეროვნული ნაკრები | |||
1992–1994 | საქართველო | 2 | (1) |
სამწვრთნელო კარიერა | |||
2006 | დინამო თბილისი | ||
2009–2011 | დინამო თბილისი | ||
2012–2013 | ზესტაფონი | ||
2013 | საქართველო 19 წლ. | ||
2013–2017 | სპარტაკი ცხინვალი | ||
2017–2018 | დინამო თბილისი | ||
2019– | სამტრედია | ||
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება |
2002–2003 წლებში მწვრთნელად მუშაობდა თბილისის „დინამოს“ აკადემიაში. 2003–2004 წლებში წვრთნიდა თბილისის „ლოკომოტივს“, ხოლო 2006 წელს სამუშაოდ გადავიდა თბილისის „დინამოში“, სადაც მთავარი მწვრთნელის პოსტი 2009 წლის მარტში დაიკავა, პოსტიდან რაინერ ცობელის გათავისუფლების შემდეგ. 2010 წლის ნოემბერში კაჭარავამ პოსტი საკუთარი სურვილით დატოვა. მაგრამ მალევე, დინამოს ახალმა პრეზიდენტმა რომან ფიფიამ გუნდში დააბრუნა. საბოლოოდ, 2011 წლის ივნისში, კაჭარავა ალექს გარსიამ შეცვალა. მას შემდეგ მოღვაწეობდა „ზესტაფონსა“ და საქართველოს 19 წლამდე ფეხბურთელთა ნაკრებში, 2013 წლიდან 2017 წლამდე კი ცხინვალის „სპარტაკის“ მწვრთნელი იყო.
2017 წლის თებერვლიდან 2018 წლის ნოემბრამდე კვლავ თბილისის „დინამოს“ ედგა სათავეში.
This article uses material from the Wikipedia ქართული article კახაბერ კაჭარავა, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). შინაარსი წარმოდგენილია შემდეგი ლიცენზიით (თუ სხვა არ არის მითითებული): CC BY-SA 4.0. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ქართული (DUHOCTRUNGQUOC.VN) is an independent company and has no affiliation with Wiki Foundation.