Unep
UN Environment Programme (UNEP), iku sawjining badan Perserikatan Bangsa-Bangsa kang tugasé koordhinasi bab aktivitas lingkungan, mbantu nagara tumuwuh sajeroning nerapaké kawicaksanan kang ramah lingkungan lan nyurung anané pembangunan berkelanjutan liwat praktèk-praktèk kang ramah lan peduli marang lingkungan.
Diadegaké minangka kasil saka Konferènsi PBB bab lingkungan urip sasi Juni taun 1972 UNEP nduwé kantor pusat ing Gigiri, Nairobi, Kenya. UNEP uga nduwé enem kantor regional lan kantor-kantor cabang ing sawatara nagara.
Sajeroning sistem PBB, UNEP kang nduwé kuwasa bab lingkungan ing tatar global lan regional. Mandhat UNEP kanggo koordhinasi ngenani konsènsus bab kawicaksanan lingkungan kanthi njaga lingkungan global supaya tansah digatèkaké lan ngajokaké masalah kang muncul supaya dadi kawigatèn nagara-nagara lan komunitas international supaya dirampungaké. Mandhat lan sasaran UNEP asalé saka Resolusi Sidang Umum PBB 2997 (XXVII) tanggal 15 Dhésèmber 1972 lan owah-owahé ing UNCED taun 1992, Dhéklarasi Nairobi bab Peran lan Mandhat UNEP, kang diangkat sajeroning Sèsi ka-19 Dewan Pengarah (Governing Council) UNEP, lan Dhéklarasi Tingkat Mantri Malmö tanggal 31 Mèi 2000.
Aktifitas UNEP nyakup babagan kang magepokan karo atmosfir lan ékosistem laut lan ékosistem dharat. Organisasi iki uga nduwé peran wigati nganakaké konvènsi lingkungan international, ngundhakaké ngèlmu lingkungan lan informasi lan mènèhi gambaran supaya bisa lumaku sarujuk karo kawicaksanan, nyiapaké lan nglakoni kawicaksanan karo pamaréntah nagara lan institusi regional lan sarujuk karo organisasi non pamaréntah (NGO) kang memetri lingkungan. UNEP uga aktif mbiayani lan ngayahi proyèk-proyèk kang magepokan karo lingkungan.
Struktur
Dewan Pangatur (Governing Council) UNEP cacahé 58 saka nagara-nagara anggota kang mengku kalungguhan telung taun suwéné. Kursi kalungguhan dialokasèkaké miturut pèrangan regional. Dewan iki minangka panyusun utama paugeran kawicaksanan kanggo program-program lingkungan PBB lan nglakokaké peran diplomatik kanggo ngundhakaké kerjasama antara nagara anggota PBB bab isu lingkungan
Sekretariat UNEP dumadi saka 890 staf, watara 500an wujud staf international, lan staf liyané wujud staf lokal. Sekretariat iku badan kang ngawasi implemèntasi kawicaksanan lan program UNEP lan tanggung jawab tumrap anggaran taunan kang gedhéné watara $105 yuta (US) kang méh kabèh mau asalé saka nagara-nagara anggota.
Implementasi tugas UNEP diayahi déning pitu divisi ing ngisor iki:
- Pèngetan Gasik lan Panaksiran (Early Warning and Assessment)
- Implemèntasi Kawicaksanan Lingkungan (Environmental Policy Implementation)
- Tèknologi, Indhustri lan Ékonomi
- Kerjasama Regional
- Konvènsi lan Hukum Lingkungan
- Koordhinasi Fasilitas Lingkungan Global
- Komunikasi lan Informasi Publik
Uga delengen
Cithakan:Portalpar
Réferènsi
Wacan terusan
- United Nations Environment Programme. "Natural Allies: UNEP and Civil Society." Nairobi: United Nations Foundation, 2004.
Pranala njaba
| Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article UNEP, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.