Blethok

Tèkstur iki lumrahé kadadéan saka campuran antarané banyu lan lemah. Blethok kang menep lan suwené wis pirang puluh tau bakal dadi endapan watu. Nalika endapan geologis blethok dumadi ing estuaria lapisan kang diasilaké diarani blethok lempongan. Blethok ana kang duwé sipat nggawé subur, saliyané kanggo nyuburaké tuwuhan blethok uga kena kanggo indhustri. Contone ya iku kanggo indhustri gips, plesteran semen, semen teles.

United Nation of Environment Program (UNEP), salah sijiné lembaga kang isih kagabung ing PBB ngajak Institut Teknologi Sepuluh November Surabaya kanggo naliti munpangaté blethok kang ana ing Sidoarjo. UNEP duwé kapenginan supaya blethok iku bisa dimanfaataké kanthi maksimal. Umpamané kanggo bahan yasan, kanggo ngambakaké area wet land, mangrove utawa pasisir. UNep percaya karo ITS kanggo nganakaké studi panelitèn babagan manfaaté blethok, ing proyek iki, ITS bakal diwenéhi beaya karo UNEP. ITS uga bakal nggandheng para ahli ing panaliten iki, kaya ta ahli lingkungan, survei, hidrologi, biologi, lan pasisir. Asil panaliten iki bakal dilaporaké ing PBB, Kementerian Lingkungan Hidup (KLH) lan Badan Penanggulangan Blethok Sidoarjo (BPLS) saéngga bisa dadi referensi penanganan blethok Lapindo.