Tawon undhuhan utawa tawon madu ya iku jinis tawon kang bisa ngasilaké madu, ya iku kulawarga tawon saka génus Apis.
Tawon madu Kalamangsa: Oligocene–Recent | |
---|---|
Tawon madu nyesep kembang | |
Klasifikasi ngèlmiah | |
Karajan: | Animalia |
Filum: | Arthropoda |
Klas: | Insecta |
Ordho: | Hymenoptera |
Famili: | Apidae |
Subfamili: | Apinae |
Tribe: | Apini Latreille, 1802 |
Génus: | Apis Linnaeus, 1758 |
Species | |
|
Hasil utama kang dimanpangatake déning manungsa saka kéwan iki ya iku madu, polen, royal jelly lan lilin malam kanggo mbathik saka talane. Saka udakara 20.000 spésies tawon, mung jinis tawon saka génus Apis iki kang bisa ngasilaké madu sajati kang cacahé ana udakara 7 spésies.
Tawon undhuhan urip nggrombol ana susuhe kang wujud lembaran-lembaran tala, kang duwé bolongan-bolongan cilik segi-enem papan nyimpen larvane, polen lan madu.
Tawon undhuhan wis maewu taun sengaja diingu déning manungsa amarga ngasilaké madu, kang munpangan kanggo pangan lan tamba lelara. Mula-mulane omah tawon digawé wujud gronggongan saka lemah, kayu, watu utawa nam-naman. Ing Jawa uga dibudidayakake nganggo sigaran glugu kang dikrowak aran glodhogan. Kanthi cara tradhisional iki tawon disediani papan gawé tala, nanging mung wujud sedia papan durung ana pangaturan kang trep.
Banjur ana wong kang duwé kawruh pambudidaya tawon undhuhan kaya ta nganggo Metode Langstroth (?)
This article uses material from the Wikipedia Basa Jawa article Tawon undhuhan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.