Susuh ya iku papan kanggo nyelehake, njaga endhog kéwan, angkrem lan nggedhekake anak kéwan nalika wis netes.
Susuh racaké digawé saka barang organik kaya ta rencek, suket, lendhut/lemah lan gegodhongan, utawa uga mung wujud legokan/bolongan ing lemah, wit, watu utawa yasan. Barang-barang gawéan manungsa uga kadhang kanggo yasa susuh, kaya ta tali, plastik, gombal, rambut, dluwang lan barang liyané.
Lumrahé, saben kéwan duwé wujud susuh kang béda-béda siji lan sijiné, lan susuh tinemu ing ppaan uripé kéwan. Kewan-kéwan kang duwé susuh kaya ta manuk, pira-pira jinis mamalia kaya ta bajing lan kelinci, gegremet kaya ta rayap lan tawon undhuhan, uga jinis reptil kaya ta ula lan baya.
Akeh-akèhé spésies manuk gawé susuh, sanajan uga ana manuk kang langsung nyelehake endhoge ana lemah tanpa gawé owah-owahan sadurungé.
Wujudé susuh manuk manéka warna, saka mung wujud tumpukan gegodhongan nganti susuh kang wujudé ruwet lan angèl carané nggawé.
This article uses material from the Wikipedia Basa Jawa article Susuh, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.