Rhinitis

Rhinitis
Rhinitis
Jeneng liya	Coryza
	Serbuk sari kang bisa agawé kumat rhinitis alèrgi
Pangucapan	rhinitis /raɪˈnaɪtɪs/; coryza /kəˈraɪzə/; ;
Specialty	Infectious disease, allergy and immunology

Lelara iki dipara dadi 2 ya kuwi rhinitis alergi lan rhinitis non-alergi. Rhinitis alergi disebabaké dening alergèn kaya ta serbuk sari, bledug, utawa wulu kéwan. Kanéka déné rhinitis non-alergi disebabaké infèksi virus lan baktèri.

Jalaran

Rhinitis alèrgi racaké disebabaké amarga respons sistem kekebalan awak tumrap alergèn. Sistem kekebalan awak ngasilaké antibodi saka awak kanggo ngeculaké histamin ing ili getih. Faktor panyebab rhinitis ya kuwi:

Duwé riwayat alèrgi utawa asma.
Duwé dermatitis atropik.
Riwayat kulawarga (wong tuwa utawa sedulur kandhung) kang ana alèrgi utawa asma.
Ngrokok.
Ana ing papan kang ngandhut paparan alergen (wulu kéwan klangenan, serbuk sari kembang, bledug lan liyané).

Pratandha

Pratandha rhinitis alèrgi lan non-alèrgi kaya ta:

Rhinitis alèrgi

Mata mbayu
Irung gatel
Kerep wahing
Irung buntet sakèngga ambegan liwat cangkem
Mripat sènsitif cahya
Mumet
Ana bunderan ireng ing kanthong mata.

Rhinitis non-alèrgi

Watuk
Ana liyak ing gurung
Irung mbayu
Wahing
Angèl ngambu

Dhiagnosis

Kanggo ndhoagnosis lelara iki, dhokter bakal takon babagan pratandha lan riwayat lelara sarta nglakokaké pamrèksanan fisik. Sakwisé iku ana tès alergi kanggo nggolèki ananing alergi uga zat kang dadi pamicu alergi. Menawa panyebabé dudu alergi, dhokter bakal nglakoni pamrèksanan liya kaya ta teropong irung lan CT scan.

Tamba

Ngobati rhinitis alèrgi ya kuwi kanthi ngombé obat antihistamin kanggo nyegah pratandha rhinitis alèrgi sakdurungé kapapar alèrgen. Menawa pratandha sing dirasakaké parah, gagé-gagé temoni dhokter saperlu diwènèhi obat imunoterapi lan suntikan alèrgi. Mangan panganan kang ngandhut gizi uga bisa ngurangi pratandha rhinitis alèrgi kaya ta kunir, spirulina, capsicum, vitamin C, minyak iwak lan madu.

Nyegah

Nyegah lelara rhinitis amrih ora kumat kaya déné:

Jaga karesikan kemul, bantal lan kasur.
Tutup lawang lan cendhela nalika ana angin gedhé
Resiki bledug sing ana ing omah
Ngadohi keluk rokok
Aja migukakaé karpèt wulu.
Pigunakaké panyedhot bledug.
Ngadohaké saka kèwan klangenan sing akèh wuluné.

Kapustakan

This article uses material from the Wikipedia Basa Jawa article Rhinitis, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.