Lawang utawa kori yaiku salah sijiné piranti omah kang bisa dibukak.
lawang lumrahé nemplek ing témbok lan gebyok. Gunané kanggo nggampangaké sirkulasi udara ing sajrone panggonan-panggonan ing sanjeroné omah. Saliyané tinemu ing wewangunan-wewangunan kaya ta omah, lawang uga tinemu ing mobil, lemari lan piranti liyané. Lawang lumrahé digawé saka kayu. Kayu kang dianggo nggawé lawang lumrahé kayu jati, randhu, mahoni, lan liya-liyané. Saliyané iku ana uga lawang kang digawé saka bahan aluminium, wesi, lan plastik PVC. Lawang ana kang modhélé sak pérangan nanging ana uga lawang kang duwé pérangan loro yaiku pérangan kang ngisor lan pérangan kang ndhuwur, leloroné uga kena dibuka. Lawang kang kaya ngene iki diarani lawang monyet.
Lawang ana kang gunané kanggo penghubung antarané salah sijiné ruangan karo pérangan sanjabané ruangan, saliyané iku lawang uga kenan kanggo penghubung ruangan siji lan sijiné kang ana ing njero wewangunan. Kuwat orané lawang gumantung karo bahan kang digunanakake kanggo nggawé lawang, kalebu kusen apadene daun pintu. Lawang kang ora kuwat lan gampang dibobol lumrahé bisa njalari kajahatan. Lawang uga diwenei kunci, gembok apadene engsel kanggo ngunci.
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Lawang, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.