Waranggana ya iku pawongan sing pagawéyané nembang gendhing-gendhing ing pagelaran wayang.
Waranggana mbantu dhalang kanthi nembangaké lelagon miturut carita utawa lakon wayang. Ing donya padhalangan utawa karawitan, waranggana uga diwastani pesindhèn utawa swarawati.
Tembung waranggana ing basa Kawi Jawa, kadadéan saka tembung wara sing tegesé wong wadon lan tembung anggana sing tegesé dhéwé. Kala biyèn waranggana iku wong wadon sing cacahé mung siji ing tengahé para niyaga sing padatan lanang kabèh. Nanging, ing jaman saiki cacahé waranggana ing pagelaran wayang purwa bisa papat nganti pitu, gumantung rerembugané dhalang lan wong sing nanggap.
Waranggana ora wuta wirama, tegesé nalika nembang kudu bisa trep karo wirama sing kapimpin déning pengendhang minangka pamurba irama.
Waranggana ora wuta laras, tegesé ora éntuk mbléro.
Waranggana wajib mangertèni gendhing-gendhing, kaya ta lancaran, ketawang, ladrang, ayak-ayak, srepeg, lan wujud gendhing liyané.
Cathetan suku:
This article uses material from the Wikipedia Basa Jawa article Waranggana, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.