Lee DeForest (lair 26 Agustus 1873 – pati 30 Juni 1961 ing umur 87 taun) ya iku sawijining ahli fisika saka Amérikah Sarékat kang kasil naggone nemu triode utawa tabung audion ing taun 1906.
Dhèwèké minangka salah salah sawijining wong kang duwé jasa ing pangrembakane teknologi radio saliyané Marconi. Dhèwèké kerep diarani bapak radio, simbah telepisi, dhoktor fisika, lan wis kasil anggoné nyipta 300 panemon.
Triode utawa tabung audion ya iku sawijining piranti wigati kang akèh digunakaké ing radio,telepon, radar, telepisi, lan komputer. Ing taun 1912, De Forest nemu yèn triode utawa tabung audion bisa digunakaké minangka penguat sinyal listrik lan pembangkit osilasi. Nalika iku triode kerep digunakaké ing pirang-pirang piranti komunikasi, nanging kawit taun 1947 triode diganti déning teknologi transistor. Sanajan teknologi triode kang diciptake diganti karo tèknologi liyané, nanging De Forest tetep dianggep tokoh paling misuwur ing babagan elektronik.
De forest lair saka kulawarga pendeta. Bapake minangka pendeta fanatik kang kepéngin De Forest dadi pendeta kaya dhèwèké. Nalika umur 6 taun, dhèwèké karo kulawargané ngalih ana ing Alabama. Minangka sawijining pendeta kang apik, kulawarga De Forest tansah mbela kaum kang luwih sengsara. Bapake De Forest ngadegaké sekolah kanggo wong-wong négro sanajan éntuk tentangan gedhé saka wong-wong kulit putih.
Wikicuplik duwé cuplikan ngenani: Lee De Forest |
Artikel biografi iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Lee De Forest, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.