Jersey

Bailiwick of Jersey
Bailliage de Jersey

Basa resmi	Inggris, Perancis, Jerriais (basa regional)
Kutha krajan	Saint Helier
Wakil Gubernur lan Kepala Komandan	Sir John Cheshire
Bailiff	Sir Philip Bailhache
Mata uang	Pound Jersey (setara karo Pound Sterling)
Zona wektu	UTC
Lagu kabangsan	Ma Normandie, God Save the Queen
Dina nasional	9 Mèi: Dina Kabebasan
TLD	.je
Kode telepon	+44-1534

Saliyané Pulo Jersey, bailiwick iki uga dumadi saka pulo ora ana kang ndunungi Minquiers lan Ecrehous. Jersey, bebarengan karo Bailiwick Guernsey, dadi Kapuloan Channel. Britania Raya nduwé tanggungjawab tumrap pertahanan pulo-pulo iki. Nanging Jersey dudu péranganing teritorial Britania utawa Uni Éropah, nanging kepemilikan kapisah the Crown.

Jersey dianeksasi déning William Longsword, pemimpin Duchy Normandia, taun 933. Katurunané, William si Penakluk, nguwasani Inggris ing taun 1066 kang ngakibatké Duchy Normandia lan karajan Inggris kabawah sajeroning siji wangun papréntahan monarki. Raja Yohanes kélangan kabè wewengkoné ing Normandia dharatan taun 1204 marang Raja Perancis, nanging tetep nguasani Kapuloan Kanal kang wiwit wektu iku duwé status papréntahan sendiri.

Jersey diduduki déning Nazi Jerman saka 1 Mèi 1940 nganti 9 Mèi 1945 samangsa Perang Dunia II.

Jembar Pulo Jersey yaiku 118,2 km² kang dumunung ing Selat Inggris, watara 22,5 km saka Ujung Cotentin ing Normandia, Perancis. Pulo iki minangka pulo kang gedhé dhéwé lan paling kidul ing Kapuloan Channel.

Ékonomi Jersey gumantung marang layanan finansial, pariwisata, internet lan tetanèn. Pajak pertambahan aji (PPN) ora ana ing pulo iki, saéngga rega barang méwah kerep luwih murah tinimbang ing Inggris. Tanggal 13 Mèi 2005, parlemen Jersey nyetujoni diberlakukannya pajak barang lan jasa kapétung wiwit taun 2008.

Produk pertanian paling akèh yaiku kenthang lan susu.

Watara 50% populasi Jersey dudu kang ndunungi pribumi. 30% populasi kakonsentrasi ing Saint Helier, siji-sijiné kutha ing Jersey. Saka 88.000 kang ndunungi, 40%-né katurunan Jersey/Norman lan 40% liyané katurunan Britania. Golongan minoritas gedhé dhéwé yaiku wong Britania, Portugal (mligi wong Madeira), Irlandia lan Polen. Komunitas Perancis uga ana ing kana.

Sapérangan gedhé kang ndunungi asli Jersey nganggep dhiriné warga Britania lan ngregani gayutan mirunggan antara Makuthta Britania lan Jersey.

• Situs resmi
• Situs pariwisata Archived 2007-09-29 at the Wayback Machine.
• AboutJersey.net
• BBC Jersey
• Jersey.Typepad.com
• Peta Jersey

Kapuloan Kanal
Bailiwick Jersey:   Jersey | Les Minquiers | Les Ecrehous | Pirres de Lerq | Les Dirouilles
Bailiwick Guernsey: Alderney |   Guernsey |   Sark | Brecqhou | Burhou | Casquets | Herm | Jethou | Lihou | Ortac | Crevichon | Les Houmets