Lydia Kandou utawa jeneng jangkepé Lydia Ruth Elizabeth Kandou (lair ing Jakarta, Indonesia, 21 Fèbruari 1963; umur 61 taun) iku sawijiné aktris kang asalé saka Indonésia.
Lydia Kandou wis main filem Indonésia nalika dasawarsa 1980-an awal.
Lydia Kandou | |
---|---|
Lair | Lydia Ruth Elizabeth Kandou |
Pakaryan | Artis, Panyanyi, Modhel |
Dhuwur | 167 cm (5 ft 6 in) |
Bojo | Jamal Mirdad |
Anak | Naysila Mirdad Kenang Kana Nana Mirdad Nathana Ghaza |
Lydia Kandou lair ing Jakarta. Nanging Lydia Kandou duwé katurunan saka Manado lan Walanda. Urip kang dilakoni Lydia akèh godhané. Nalika isih cilik, Lydia Kandou kerep lara-laranen. Saéngga dhèwèké ora éntuk yèn mbanget senengé, ora éntuk yèn mbanget kagété lan mbanget susahé. Amarga penyakité iki, Lydia Kandou banjur kerep dipisahké saka mas lan mbaké, Lydia uga ora éntuk dolanan karo sadulur-sadulur lan kanca-kancané. Nalika biyén Lydia ora ngerti kenapa ibuké nglakokaké iki tumrap dhèwèké. Pungkasané Lydia bisa ngerti yèn kang dilakokaké ibuné iki kanggo kaséhatané Lydia.
Amarga kerep dhéwékan, Lydia urip dadi bocah wédok kang isinan, tampilané prasaja lan ora néko-néko anggoné paesan. Nalika Lydia Kandao ditawani dadi modhél uga rada kangélan amarga dhèwèké duwé sipat isinan. Nanging akèh wong kang ngajari Lydia Kandou. Kanthi gladhèn sithik mbaka sithik, Lydia banjur sukses ing kariré. Saliyané iku, ibuné Lydia uga mènèhi semangat terus kanggo Lydia. Wiwit SMP, Lydia wis ngrokok, mulané saliyané mangan Lydia Kandao uga senam lan nglangi kanggo njaga kaséhatan awaké. Saliyané iku Lydia Kandou uga duwé kasenengan masak.
Nalika wiwitan taun 1980, Gope Samtani saka Rapi Film ménéhi peran tumrap Lydia ing filem Aladin dan Lampu Wasiat (Aladin and His Magic Lamp) kang misuwur iku. Ing filem iki, Lydia main bareng karo Rano Karno.Raam Punjabi saka Parkit Film uga mènèhi Lydia kasempatan kanggo ngembangaké aktingé ing filem, kaya ta 5 Cewek Jagoan (Five Deadly Angels) lan Perawan Rimba (Jungle Virgin Force). Film-filem kang dibintangi nggawé Lydia dadi artis Indonésia kang misuwur nalika iku. Saiki anak-anaké Lydia ya iku Nana Mirdad lan Naysila Mirdad uga akting lan main filem.
Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Lydia Kandou, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.