Hydra

Ugi kalebet rasi lintang ingkang paling dawa ingkang langkung saking 100 drajat, ingkang mapan wonten ing belahan langit sisih kidul. Hydra inggih asalipun saking basa Latin ingkang tegesipun "ula banyu", ingkang dipuntingali saking wujud rasi lintangipun ing langit, ingkang wujudipun pancen kados ula kembar. Rasi lintang Hydra punika sepisanan dipundamel déning astronom Yunani, Ptolemy, ing abad kaping kalih. Tiyang Jepang nyebat rasi lintang punika kanthi sebatan Nuriko, déne tiyang Cina nyebat rasi lintang punika kanthi sebatan Liu utawi Willow. RAsi lintang Hydra ing sisih kidul dipunkiteri déning rasi lintang Libra lan Centaurus. Déné ing sisih lor dipunkiteri déning rasi lintang Cancer. Wonten sujarah ingkang dangu ngantos rasi lintang punika melebet 48 rasi lintang ingkang dipundhaptar déning astronom Ptolemy ing abad kaping kalih.

HYDRA
Daftar lintang ing Hydra
Cekakan	Hya
Genitif	Hydrae
Asensio rekta	8–15
Deklinasi	−20
Area	1303 derajad pesagi (#1st)
Lintang utama	17
Lintang Bayer/Flamsteed	75
Lintang mawa planèt	16
Lintang padhang	2
Lintang cedhak	4
Lintang paling padhang	Alphard (α Hya) (1.98m)
Lintang paling cedhak	LHS 3003 ( tc)
Obyèk Messier	3
Udan météor	Alpha Hydrids Sigma Hydrids
Rasi lintang sing wewatesan	Antlia Cancer Canis Minor Centaurus Corvus Crater Leo Libra Lupus (corner) Monoceros Puppis Pyxis Sextans Virgo
Katon antara lintang +54° lan −83°. Katon paling cetha ing wektu 21.00 jroning sasi April. '
d r b

Rasi lintang Hydra gadhah tlatah ingkang ambanipun kirang langkung 1303 drajat persegi lan ngewrat sangang lintang ingkang dipunmangertosi minangka planit-planit. Rasi lintang Hydra punika saged dipuntingali ing garis lintang antawisipun +54° lan-83° lan ingkang saé piyambak dipuntingali ing jam 9 dalu ing salebeting sasi April.

Kajawi kalebet rasi lintang ingkang ageng, rasi lintang Hydra ugi gadhah unsur-unsur pokok. Lintang ingkang padhang piyambak wonten ing rasi lintang Hydra punika inggih Alpha Hydrae utawi Alphard ingkang gadhah magnitudo kalih. Punika kalebet lintang binar kanthi raksasa ingkang ngemu kathah barium kanggé komponèn ingkang paling baku.

Kalih lintang sanèsipun ingkang saged dipuncathet ing rasi lintang punika ingkang kekalihipun gadhah magnitudo 3, ingih punika Gamma Hydrae ingkang ugi dipunsebat Dhanab al Suja (buntut ula) lan zeta Hydrae ingkang ing rikala wekdal dipunsebat Hydrobius.

Objek langit pérangan lebet ingkang wonten ing rasi lintang Hydra punika ing antawisipun inggih wonten tigang objek Messier. Messier 83 (NGC 5236), utawi GAlaksi Pinwheel kidul, ingkang mapan caket ing sakitering rasi lintang antawisipun Hydra kaliyan Centaurus, kirang langkung 15 milyar taun cahya. Messier 60 (NGC 4590) inggih punika kalebet globular cluster ingkang tebihipun 33.000 taun cahya, ingkang ngewrat paling sakedhik 42 lintang variabel. Messier 48 (NGC 2548) inggih kalebet lintang kluster kebikak ingkang mapan caket ing sakitering pinggiran rasi lintang punika kaliyan rasi lintang Monoceros. Ing kaanan cuaca ingkang saé, kluster punika saged dipuntingali kanthi mripat langsung.

Hydra taksih kalebet satunggal kulawarga saking rasi lintang Hercules, sesarengan kaliyan rasi lintang Hercules, Sagitta, Aquila, Lyra, Cygnus, Vulpecula, Sextans, Crater, Corvus, Ophiuchus, Serpens, Scutum, Centaurus, Lupus, Corona Australis, Ara, Triangulum Australe lan Crux. Rasi lintang Hydra ugi dipunkiteri déning rasi lintang sanèsipun kados ta rasi lintang Antlia, Cancer, Canis Minor, Centaurus, Corvus, Crater, Leo, Libra, Lupus, Monoceros, Puppis, Pyxis, Sextans lan Virgo.