Ghidra: Piranti rékayasa walik kang dirembakakaké Bebadan Kaamanan Nasional (NSA)
Ghidra (pangucap cara Inggris: Gee-druh; /ˈɡiːdrə/) yaiku piranti rékayasa walik (reverse engineering) mardika lan sumber binuka kang dirembakakaké Bebadan Kaamanan Nasional (NSA) Amérika Sarékat.
Binariné dibabar rikala Maret 2019 ing RSA Conference; kodhe sumberé dibabar sasi pendhaké ing GitHub. Ghidra dipétung déning akèh panaliti kaamanan minangka tandhingané IDA Pro. Piranti alus iki tinulis mawa Java nganggo framework Swing tumrap GUI-né. Déné komponèn dékompileré tinulis mawa C++. Plugin Ghidra bisa digawé mawa basa pamrograman Java utawa Python (sarana Jython).
| Perancang | NSA |
|---|---|
| Rilis pisanan | Maret 5, 2019 |
| Versi rilis terbaru | 10.1.4 / Mèi 20, 2022 |
| Basa pamrograman | Java, C++ |
| Lisènsi | Lisènsi Apache 2.0 / Dhomain publik |
| Situs web | ghidra-sre |
Sajarah
Ghidra wiwitané kawiyak menyang publik sarana WikiLeaks ing Maret 2017, nanging piranti alus iki ora sumedhiya tumrap bebrayan nganti setatus rahasiané dijabut lan resmi dibabar sawisé rong taun suwiné.
Ing Juni 2019, coreboot miwiti nganggo Ghidra kanggo upaya ngrékayasa walik babagan prakara firmware sawisé dibabaré kodhe sumber pakèt piranti alus Ghidra.
Ghidra bisa dianggo minangka debugger awit Ghidra 10.0. Debugger darbèké Ghidra nyengkuyung pan-debug-an kalawan modhe naraguna ing program Windows sarana WinDbg, lan program Linux sarana GDB.
Arsitèktur kang disengkuyung
Arsitèktur lan format binari kang disengkuyung Ghidra yaiku:
- x86 16, 32, lan 64 bit
- ARM lan AARCH64
- PowerPC 32/64 lan VLE
- MIPS 16/32/64
- MicroMIPS
- 68xxx
- Java lan DEX bytecode
- PA-RISC
- PIC 12/16/17/18/24
- SPARC 32/64
- CR16C
- Z80
- 6502
- 8051
- MSP430
- AVR8, AVR32
Uga delengen
- IDA Pro
- Dékompiler JEB
- radare2
Rujukan
Pranala jaba
- Situs jaringan resmi
- Ghidra ing GitHub
| Artikel iki minangka artikel rintisan. Kowé bisa ngéwangi Wikipédia ngembangaké. |
This article uses material from the Wikipedia Basa Jawa article Ghidra, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.