Basa Rumania

Basa iki dituturaké d’ening luwih kurang 30 yuta wong kang kasebar ing Rumania, Moldova, Ukraina, Honggari, Bulgaria nganti Serbia.

Basa-basa Rumania iki kap’erang sajeroning sawatara cabang ya iku:

• Rumania baku (wewengkon Rumania lan Moldova
• Istro-Rumania (dituturaké ing ujung Istria, Kroasia)
• Macedo-Rumania (dituturaké ing kawasan Makedonia
• Arumania (dituturaké ing kawasan lor Yunani)

Basa Rumania duwé pitu vokal mawa swara: a /a/, e /e/, i /i/, o /o/, u /u/, ă /ə/, â, î /ı/ lan siji ora mawa swara ("i" ing posisi pungkasan). Basa Rumania Kuna duwé vokal tanpa swara tambahan manèh ("u" ing posisi pungkasan), nanging saiki wis ora dianggo manèh. Banjur ana uga papat semivokal lan rongpuluh konsonan.

Abjad Rumania

A, a (a); Ă, ă (ă); â (â din a); B, b (be); C, c (ce); D, d (de); E, e (e); F, f (fe / ef); G, g (ghe / ge); H, h (ha / haş); I, i (i); Î, î (î din i); J, j (je); K, k (ka de la kilogram); L, l (le / el); M, m (me / em); N, n (ne / en); O, o (o); P, p (pe); R, r, (re / er); S, s (se / es); Ş, ş (şe); T, t (te); Ţ, ţ (ţe); U, u (u); V, v (ve); X, x (ics); Z, z (ze / zet).

Gugusan aksara

Aksara C lan G duwé cara pangucapan mligi yèn dikombinasi karo sawatara aksara liyan’e, mèmper karo basa Italia.

Diftong

ea, ia, oa, ua ie ai, ăi, âi, ei, ii, oi, ui io au, ău, âu, eu, iu, ou

Triftong

ioa, eai, iau, eau

Fonem /h/

Basa Rumania minangka siji-sijiné basa Roman kang ngletarèkaké fonem /h/. Dhialèk Norman basa Prancis uga nglestarèkaké fonem /h/. Sajeroning akèh dhialèk basa Spanyol mligi ing Amérika, /j/ dilafazaké minangka [h], nanging iki dudu kasus "palestarèn": fonem asliné ya iku /x/.

• Garis Jireček