Banthèng

Banthèng
Banthèng wadon ing Disney's Animal Kingdom
Setatus konservasi
Endangered
Klasifikasi ngèlmiah
Karajan:	Animalia
Filum:	Chordata
Klas:	Mammalia
Ordho:	Artiodactyla
Famili:	Bovidae
Subfamili:	Bovinae
Génus:	Bos
Spésies:	B. javanicus
Jeneng binomial
Bos javanicus d'Alton, 1823

Banthèng kalebet kéwan sampun dipundhomestikasi ingkang panyebaranipun ing wewengkon Asia Kidul Wétan, ingkang cacahipun kinten-kinten wonten 1,5 juta banthèng, saged dipunnamini sapi Bali. Banthèng saged dipunmupangatake minangka kéwan kerja, lan saged dipunmupangatakedagingipun.

Panyebaran lan subspesies banteng saged kapérang:

• Banthèng Jawa (B. j. javanicus): wonten ing Jawa, ingkang jaler gadhah warni cemeng lan ingkang èstri warninipun soklat.
• Banthèng Kalimantan (B. j. lowi): saking Kalimantan. Banteng Kalimantan nggadhi awak ingkang langkung alit tinimbang banteng Jawa.
• Banthèng Burma (B. j. birmanicus): ing Myanmar, Thailand, Cambodia, Laos lan Vietnam.

Banthèng saged gadhah inggil ngantos 1,6 mèter ing sisih gegeripun lan panjang awakipun ngantos 2,3 mèter. Abotipun Banthèng jaler 680 – 810 kg, jaler ingkang ageng sanget saged ngantos satunggal ton. Ingkang èstri boten patia abot tinimbang jaleripun. Banthèng gadhah warni pethak ing sikil, punuk pethak, sarta warni pethak ing sisih mata lan moncongipun. Banthèng jaler gadhah kulit awarna biru-cemeng utawi soklat peteng. Sungu nglengkung manginggil, lan punuk ing gegeripun wonten punukipun. Nanging ing èstri gadhah warni soklat radi abrit lan sungu ingkang cendhak lan boten gadhah punuk.