Barongan utawa kagunan Barong iku kesenian rakyat kang akèh sumebar ing tlatah Jawa Tengah lan Jawa Wétan.
Barongan migunakaké sandhangan utawa piranti kang digawé saka topèng saha kain utawa karung, diwujudaké kaya Singa Barong utawa Singa gedhé kang galak.
Kesenian arupa jogèd pepantan kang nirokaké solah tingkahé Singa barong kang prakasa lan paraga liyané ya iku Bujangganong, Joko Lodro, Réyog, Noyontoko lan Untub. Ana ing kesenian Jathilan, mliginipun wonten ing tlatah Ngayogyakarta lan sakiwa tengené, barongan mono kanthi paraga wong loro utawa wong telu, sadaya lumebu ing siji karung kang dirékayasa dados awujud kéwan, kang ngarep nyekel endhas, kang mburi nyekel buntut, déné kang tengah lumrahé manggul/munji siji pawongan, kaya-kaya wong mau numpak barongan. Sajroning paméntasan kagunan barongan, para paraga mau jejogètan diiringi nganggo instrumèn musik antarané: Kendhang, Bedhug, Bonang, Saron, Demung, Kempul lan Suwukan.
Kesenian barongan sumberé saka hikayat Panji, ya iku cariyos kang diwiwiti saka iring-iringan prajurit nunggang jaran ngawal lelakuné Radèn Panji Asmarabangun / Pujangga Anom lan Singa Barong.
This article uses material from the Wikipedia Basa Jawa article Barongan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Isi cumepak kanthi pangayoman CC BY-SA 4.0, kajaba ana katerangan liyané. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Basa Jawa (DUHOCTRUNGQUOC.VN) is an independent company and has no affiliation with Wiki Foundation.