Áttæringur er árabátur sem róið er með átta árum.
Hugtakið er aðallega notað um hefðbundna súðbyrta árabáta frá Norðurlöndum. Áttæringur var með átta ræði þar sem yfirleitt reru átta menn, einn á hvort borð, með stýrimann í skut. Stundum var sett barkaþófta með keipum aftan við barkarúmið fremst þar sem einn gat róið og varð báturinn þá tíróinn áttæringur. Flestir áttæringar voru búnir seglum af ýmsu tagi, meðal annars spritseglum og loggortuseglum, og gátu verið tvísigldir.
Rúm og þóftur í áttæringi nefndust barkarúm (fremst), andófsþófta, andófsrúm, fyrirrúmsþófta, fyrirrúm, miðskipsþófta, miðrúm, austurrúmsþófta, austurrúm og bitaþófta aftast.
Frægir áttæringar á Íslandi eru meðal annars hákarlaskipið Ófeigur og grindvíska skipið Óskabjörninn. Ófeigur var með þversegl (skautasegl). Árið 2023 stóðu „Hollvinasamtök áttæringsins“ fyrir smíði 11 metra langs áttærings sem var afhjúpaður á sjómannadaginn í Grindavík.
This article uses material from the Wikipedia Íslenska article Áttæringur, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Efnið er aðgengilegt undir CC BY-SA 4.0 nema annað komi fram. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Íslenska (DUHOCTRUNGQUOC.VN) is an independent company and has no affiliation with Wiki Foundation.