Skjaldarmerki Nígeríu

Svarti skjöldurinn táknar frjósama jörð Nígeríu og hvítu hestarnir sem standa hvorum megin við hann tákna reisn. Rauði örninn ofan á skildinum táknar styrk og grænu og hvítu böndin sem hann stendur á tákna gjöfulan jarðveg landsins.

Rauðu blómin við grunninn eru Costus spectabilis, þjóðarblóm Nígeríu. Þetta blóm var valið á skjaldarmerkið þar sem það er að finna um alla Nígeríu og er táknrænt fyrir fegurð landsins. Á borðanum neðst á skjaldarmerkinu standa kjörorð Nígeríu frá 1978: „Unity and Faith, Peace and Progress“ (ísl. „Samheldni og trú, friður og framfarir“). Áður stóð „Peace, Unity, Freedom“ (ísl. „Friður, samheldni, frelsi“).