Rauðþörungar

Langflestir rauðþörungar lifa í fjörum eða grunnum sjó og eru þar botnfastir á klettum, steinum eða gróðri. Rauðþörungar eru nánast allir fjölfrumungar og yfirleitt frekar stórir og nokkrir sm á lengd og breidd, oftast þráð- eða blaðlaga. Algengar tegundir í fjörum eru fjörugrös (Chondrus crispus), söl (Palmaria palmata) og purpurahimna (Porphyra umbilicalis).

Rauðþörungar Tímabil steingervinga: Mesoproterozoic til nútíma
A-D : Chondrus crispus Stackhouse, E-F : Mastocarpus stellatus J.Ag.
Vísindaleg flokkun
Veldi: Heilkjörnungar (Eukaryota) (óraðað) Archaeplastida Fylking: Rhodophyta Wettstein, 1922 Flokkun er undir endurskoðun.
Samheiti
Rhodophyceae Ruprecht, 1851; Thuret, 1855; Rabenhorst, 1863 Rhodophycota Papenfuss, 1946 Rhodoplantae Saunders & Hommersand, 2004

Fáir þeirra vaxa ofarlega í fjörum, en þegar neðar dregur ber meira á þeim. Þeir eru algengir á grunnsævi og ná lengst niður í djúpin af stórþörungunum. Rauðþörungar hafa löngum verið eftirsótt fæða um allan heim og þekkja Íslendingar þar af best sölin (Palmaria palmata), sem hafa á seinni tímum verið eini þörungurinn sem hafður er til matar hér á landi.