34°00′E / 13.500°S 34.000°E / -13.500; 34.000
Ti Malawi (Chichewa [malaβi]), opisial a ti Republika ti Malawi, ket ti napalikmutan ti daga a pagilian idiay abagatan a daya nga Aprika a dati nga ammo a kas ti Nyasalandia. Daytoy ket bineddengan babaen ti Zambia iti amianan a laud, ti Tanzania iti amianan a daya, ti Mozambique iti daya, abagatan ken laud. Ti pagilian ket naisina manipud iti Tanzania ken Mozambique babaen ti Danaw Malawi. Ti Malawi ket sumurok a 118,000 km2 (45,560 sq mi) ken addaan daytoy iti nakarkulo a populasion ti 16,777,547 (karkulo ti Hulio 2013). Ti kapitoliona ket ti Lilongwe ken isu pay daytoy ti kadakkelan a siudad ti Malawi; ti maikadua a kadakkelan ket ti Blantyre ken ti maikatlo ket ti Mzuzu. Nagtaud ti nagan a Malawi manipud iti Maravi, ti duog a nagan ti tattao a Nyanja a nagtagtagitao iti lugar. Ti pagilian ket nabirngasan pay iti "The Warm Heart of Africa".
Republika ti Malawi Dziko la Malaŵi | |
---|---|
Napili a pagsasao: "Unity and Freedom" | |
Nailian a kanta: Mulungu dalitsa Malaŵi (Chichewa) O Bendisionam Apo ti Dagami a Malawi | |
Kapitolio ken kadakkelan a siudad | Lilongwe 13°57′S 33°42′E / 13.950°S 33.700°E |
Opisial a sasao | Ingles |
Mabigbig a nilian a sasao | Chichewa |
Grupgrupo ti etniko (2008) |
|
Nagan dagiti umili | Taga-Malawi |
Gobierno | Unitario a presidensial a republika |
• Presidente | Lazarus Chakwera |
• Bise-Presidente | Saulos Chilima |
Lehislatura | Nailian nga Asemblia |
Wayawaya | |
• fmanipud iti Nagkaykaysa a Pagarian | 6 Hulio 1964 |
• republika | 6 Hulio 1966 |
• Agdama aBatay-linteg | 18 Mayo 1994 |
Kalawa | |
• Dagup | 118,484 km2 (45,747 sq mi) (Maika-99) |
• Danum (%) | 20.6% |
Populasion | |
• Karkulo idi 2013 | 16,407,000 (Maika-64) |
• Senso idi 1998 | 9,933,868 |
• Densidad | 128.8/km2 (333.6/sq mi) (Maika-86) |
GDP (PPP) | Karkulo idi 2012 |
• Dagup | $14.265-bilion |
• Tunggal maysa a tao | $857 |
GDP (nominal) | Karkulo idi 2012 |
• Dagup | $4.212 billion |
• Tunggal maysa a tao | $253 |
Gini (2010) | 43.9 kalalainganna |
HDI (2013) | 0.414 ababa · Maika-174 |
Kuarta | Kwacha (D) (MWK) |
Sona ti oras | UTC+2 (CAT) |
• Kalgaw (DST) | UTC+2 (saan a mapalpaliiw) |
Pagmanehuan | kanigid |
Kodigo ti panagtawag | +265 |
Kodigo ti ISO 3166 | MW |
TLD ti internet | .mw |
• Dagiti karkulo ti populasion para iti daytoy a pagilian ket nalawag a mangiraman dagiti epekto iti adu nga ipupusay gapu ti AIDS; daytoy ket mabalin a pagresultaan iti ab-ababa a panagbiag, nagatngato a gatad ti ipupusay dagiti maladaga, dagiti ab-ababa a gatad ti populasion iya-adu ti populasion, ken dagiti panagbalbaliw iti pannakaiwarwaras ti populasion babaen ti tawe ken sekso a no saan ket mabalin nga isu ti manamnama. • Ti pakaammo ket naala manipud iti CIA Factbook malaksid no adda sabali a naipakaammo. |
Ti Malawi ket maysa kadagiti kabassitan a pagilian iti Aprika. Ti Danaw Malawi ket mangsakop iti agarup a pagkatlo iti kalawa ti Malawi.
Ti lugar idiay Aprika nga ammo itan a kas Malawi ket tinagtagitao idi babaen dagiti immak-akar a grupo ti Bantu idi agarup a maika-10 a siglo. Kadagiti napalabas a siglo idi 1891 ti lugar ket kinolonia babaen ti Britaniko. Iti 1953 a Malawi, idi ammo a kas Nyasalandia, ti protektorado ti Nagkaykaysa a Pagarian, ket nagbalin a protektorado iti kaunegan ti nawaya-bassit a Pederasion ti Rhodesia ken Nyasalandia. Nawaswas ti Pederasion idi 1963. Idi 1964 nagpatingga ti protektorado ti Nyasaland ken ti Nyasaland ket nagbalin a nawaya a pagilian babaen ni Reina Isabel ken addaan iti baro a nagan iti Malawi. Kalpasan ti dua a tawen ti Malawi ket nagbalin a republika. Kalpasan ti pannakaala iti wayawaya daytoy ket nagbalin a maysa-partido nga estado babaen ti presidensia ni Hastings Banda, ken nagtultuloy a presidente aginggana idi 1994, idi naabak isuna iti panagbubutos. Ni Peter Mutharika ti agdama a presidente. Ti Malawi ket addaan iti demokratiko, adu-partido a gobierno. Ti Malawi ket addaan iti bassit a puersa ti militar nga adaan iti buyot, marina ken aero puersa. Ti gangganaet nga annuroten ti Malawi ket managkayat iti Akinlaud ken mangiraman kadagiti positibo a diplomatiko a pannakibiang kadagiti kaaduan a pagilian ken ti pannakibinglay kadagiti nadumaduma a gunglo ti sangalubongan.
Ti Malawi ket maysa kadagiti saan unay a naparang-ay a pagilian. Kaaduan iti ekonomiana ket naibatay iti agrikultura, ken kaaduan iti populasionna ket adda iti away. Ti gobierno ti Malawi ket kaaduan nga agdepdepende kadagiti tulong manipud kadagit isabali a pagilian tapno tapno maabotna dagiti masapulna iti panagdur-as, ngem daytoy met a kasapulan ket bimaasiten (ken ti nadaton a tulong) manipud idi 2000. Makasango ti gobierno ti Malawian kadagiti karit iti panagpartuat ken panagpadakkel iti ekonomia, panagpasayaat iti edukasion, panagaywan ti salun-at, panagsalaknib iti enbironmento, ken iti panagbalin a nawaya iti pinasia. Ti Malawi ket addaan kadagiti nadumaduma a naparang-ay a programa manipud idi 2005 a mangipatengnga iti isip kadagitoy a parikut, ken ti masakbbayn ti pagilian ket sumaysayaat, gapu kadagiti panagpasayaat ti panagpadakkel ti ekonomia, edukasion ken panagaywan ti salun-at a nakita idi 2007 ken 2008.
Dagiti midia a mainaig iti Malawi iti Wiki Commons
Pakaammo ti panagbiahe idiay Malawi manipud iti Wikivoyage (iti Ingles)
This article uses material from the Wikipedia Ilokano article Malawi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Ti linaon ket magun-od babaen ti CC BY-SA 4.0 malaksid no adda sabali a naibaga. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Ilokano (DUHOCTRUNGQUOC.VN) is an independent company and has no affiliation with Wiki Foundation.