Mozambique: Pagilian idiay Aprika

Ti Mozambique, opisial a ti Republika ti Mozambique (Portuges: Moçambique wenno República de Moçambique, Panangibalikas a Portuges: [ʁɛˈpuβlikɐ ðɨ musɐ̃ˈbikɨ]; Chichewa: Mozambiki; Swahili: Msumbiji; Tsonga: Muzambhiki), ket ti maysa a pagilian a mabirukan iti Abagatan akindaya nga Aprika a beddengan babaen ti Taaw Indiano iti daya, Tanzania iti amianan, Malawi ken Zambia iti amianan a laud, Zimbabwe iti laud, ken Eswatini (Swaziland) ken Abagatan nga Aprika iti abagatan a laud. Ti naturay nga estado ket naisina manipud iti Comoros, Mayotte ken Madagascar babaen ti Kanal Mozambique iti daya. Ti kapitolio ken kadakkelan a siudad ti Mozambique ken ti Maputo (ammo pay a kas Lourenço Marques manipud idi 1876 aginggana idi 1976).

Republika ti Mozambique República de Moçambique  (Portuges)
Wagayway Kayarigan
Nailian a kanta: Pátria Amada  (Portuges) "Patpatgen a Daga"
Ipakita ti globo Ipakita ti mapa ti Aprika
Kapitolio ken kadakkelan a siudad	Maputo 25°57′S 32°35′E / 25.950°S 32.583°E / -25.950; 32.583
Opisial a sasao	Portuges
Dagiti mabigbig a nailian a pagsasao	Swahili Mwani Chewa Tsonga
Relihion (2019)	57.6% Kristianidad 18.3% Islam 13.4% Awan relihion 9.6% Dagiti tradisional ap ammati 1.1% Dadduma
Nagan dagiti umili	Mozambikano
Gobierno	Unitario a dominante-partido a semi-presidensial a batay-linteg a republika
• Presidente	Filipe Nyusi
• Kangrunaan a Ministro	Carlos Agostinho do Rosário
Lehislatura	Asemblia ti Republika
Napundar
• Wayawaya manipud iti Portugal	25 Hunio 1975
• Naawat iti Nagkaykaysa a Pagpagilian	16 Septiembre 1975
• Sibil a Gubat ti Mozambique	1977–1992
• Agdama a Bantay-linteg	21 Disiembre 2004
Kalawa
• Dagup	801,590 km2 (309,500 sq mi) (Maika-35)
• Danum (%)	2.2
Populasion
• Karkulo idi 2020	30,066,648 (Maika-48)
• Senso idi 2017	27,909,798
• Densidad	28.7/km2 (74.3/sq mi) (Maika-178)
GDP (PPP)	Karkulo idi 2019
• Dagup	$41.473 bilion
• Tunggal maysa a tao	$1,331
GDP (nominal)	Karkulo idi 2019
• Dagup	$15.372 bilion
• Tunggal maysa a tao	$493
Gini (2008)	45.7 kalalainganna
HDI (2018)	0.456 ababa · 181st
Kuarta	Metical (MZN)
Sona ti oras	UTC+2 (CAT)
Pagmanehuan	kanigid
Kodigo ti panagtawag	+258
Kodigo ti ISO 3166	MZ
TLD ti internet	.mz
Website www.portaldogoverno.gov.mz
Makhuwa, Tsonga, Lomwe, Sena ken dadduma pay.
Dagiti karkulo iti daytoy a pagilian ket nalwag a manginayon dagiti apekto ti nakaro nga ipupusay gapu ti AIDS; daytoy ket mabalin a pagresultaan ti nabibiit a panagbiag, nakarkaro nga ipupusar ti maladaga ken dagiti gatad ti ipupusay, basbasit a opulasion ken dagiti gatad ti iya-adu, ken dagiti panagbaliw ti pannakaiwaras babaen ti tawen ken sekso ngem ti mabalin a manamnama.

Idi baetan ti umuna ken maikalima a siglo AD, napnapan dagiti tattao nga agsasao iti Bantu iti agdama nga aldaw a Mozambique manipud iti ad-adayo nga amianan ken laud. Mabirukan ti akin-amianan a Mozambique iti kaunegan dagiti pagtagilakuan nga angin ti nepnep iti Taaw Indiano. Idi baetan ti maika-7 ken maika-11 a siglo, naparang-ay idiay iti serye dagiti ili ti puerto ti Swahili, a nagkontribusion iti panagrang-ay iti maysa a naisangayan a kultura ti Swahili ken pagsasao. Idi naladaw a mediebal a paset ti panawen, dagitoy a tallo nga ili ket kankanayon a papanan dagiti agtagtagilako manipud iti Somalia, Etiopia, Ehipto, Arabia, Persia, ken India.

Ti panaglayag ni Vasco da Gama idi 1498 ket nagmarka ti isasangpet dagiti Portuges, a nangirugi iti maysa a nagin-inut a proseso ti kolonisasion ken panagtaeng idi 1505. Kalpasan dagiti sumurok nga uppat a siglo a turay ti Portuges, nakagun-od ti wayawaya ti Mozambique idi 1975, kalpasan dayta, nabiit a nagbalin a ti Republika ti Tattao ti Mozambique. Kalpasan laeng iti dua tawen a wayawaya, naiyulog ti pagilian iti maysa a nakaro a sibil a gubat a nagpaut manipud idi 1977 aginggana idi 1992. Idi 1994, nagtengngel ti Mozambique iti maysa nga adu ti partidona a panagbubutoss, ken manipud idin daytoy ket relatibo metten a natalinaay a presidensial a republika, ngem makasangsango pay met laeng iti maysa nga ababa ti intensidad nga insurhensia.

Naparaburan ti Mozambique kadagiti nabaknang ken adu a masna a rekurso. Ti ekonomia ti pagilian ket kaaduan a naibatay iti agrikultura, ngem dumakdakkel metten ti industria, kangrunaan dagiti makan ken mainum, panagpataud dagiti kemikal ken dagiti panagpataud iti aluminio ken petroleo. Dumakdakkel pay ti sektor ti turismo. Ti Abagatan nga Aprika ti kangrunaan a kadua Mozambique iti panagtagilako ken taudan dagiti gangganaet a pagpuonan, bayat a ti Belhika, Brasil, Portugal ken Espania ket isu pay dagitoy ti kangrunaan a kaduana iti ekonomia. Manipud idi 2001, ti tinawen nga agpakatengnga a nga idadakkel ti GDP ti Mozambique ket maysa kadagiti kangatuan iti lubong. Nupay kasta, maysa pay laeng kadagiti kapanglawan a pagilian ken ti saan unay nga agdur-duras a pagilian iti lubong, a nababa nairanggo iti GDP tunggal maysa a tao, panagrang-ay ti nagtagitaon, dagiti panagrukod ti inekualidad ken ti kalalainganna a kapaut iti biag.

Ti opisial a pagsasao ti Mozambique ket Portuges, a kaaduan a naisasao a kas maikadua a pagsasao babaen ti agarup a kagudua ti populasion. Dagiti kadawyan a patneng a pagsaso ket mairaman ti Makhuwa, Sena, ken Swahili. Ti populasion ti pagilian ket agarup a 29 riwriw ken kaaduan a buklen dagiti tattao a Bantu. Ti kaaduan a relihion ti Mozambique ket Kristianidad, ken adu metdagiti minoridad nga agraraem iti Islam ken dagiti tradisional a pammati ti Aprika . Ti Mozambique ke kameng ti Nagkaykaysa a Pagpagilian, ti Kappon ti Aprika, ti Mankomunidad ti Pagpagilian, ti Gunglo ti Islamiko a Pagtitinnulongan, ti Komunidad ti Pagpagilian ti Pagsasao a Portuges, ti Di Nailinia a Tignay, ti Komunidad ti Panagrang-ay ti Akin-abagatan nga Aprika, ken ti maysa nga agpalpaliiw iti La Francophonie.

Nanaganan ti pagilian iti Moçambique babaen dagiti Portuges manipud iti Isla ti Mozambique, a naala manipud iti Mussa Bin Bique wenno Musa Al Big wenno Mossa Al Bique wenno Mussa Ben Mbiki wenno Mussa Ibn Malik, ti maysa nga agtagtagilako nga Arabo a Arab nga immuna a nangbisita iti isla ken kanungpalan a nagtaeng idiay. Ti isla nga ili ket kapitolio idi ti kolonia ti Portugal aginggana idi 1898, idi naiyalis iti abagatan iti Lourenço Marques (itan ket ti Maputo).