Amianan A Daya Nga Asia: Subrehion ti Asia

Dagiti pagilian nga adda iti Amianan a daya nga Asia ket ti Hapon, Amianan a Korea, ken Abagatan a Korea ken mabalin pay a mangiraman ti Tsina, Rusia (kadawyan a mangibagbaga iti Adayo a Daya ti Rusia), Mongolia, ken uray pay ti Taiwan.

Ti panangipalawag ti Amianan a daya nga Asia ket saan natalinaay, ngem masansan nga agbalbaliw segun ti konteksto a pakaitungtunganna.

Iti heopolitika, ti Konseho kadagiti Ganganaet a Pannakibiang ket ipalawagna ti Amianan a Daya nga Asia a kas ti Hapon, Amianan a Korea, ken Abagatan a Korea. Ti Tsina ken Rusia ket masansanda a mairaman iti heopolitikal a pakitungtungan iti rehion iti sakup ti pannakitignay kadagiti interesado ken dagiti annurotenda kadagiti tagikua ti Hapon ken dagiti Korea. Ti Baybay ti Hapon, ti Baybay Duyaw, ken sagpaminsan pay iti Baybay Daya a Tsina ken ti Baybay ti Okhotsk ket nairamraman kadagiti pagtutungtungan iti rehion.

Iti kadawyan a panagusar, nupay kasta, ti termino nga Amianan a daya nga Asia ket kadawyan a mangiramann ti Tsina. Iti daytoy a porma, dagiti bugas a pagilian a mangbukel ti Amianan a daya nga Asia ket ti Tsina, Hapon, Amianan a Korea, ken Abagatan a Korea.

Ti Instituto ti Panagsukisok iti Ekonomia para iti Amianan a daya nga Asia ket ipalawagna ti rehion a kas mangbukel ti "Tsina, Hapon, dagiti Korea, Mongolia, ken dagiti akindaya a rehion ti Pederasion ti Rusia." Ti Banko ti Lubong ket mangibagbaga iti "tallo a kangrunaan nga ekonomia ti Amianan a daya nga Asia, a kas iti Tsina, Hapon, ken Abagatan a Korea", ken bigbigenna pay ti nawatwatiwat a panangipalawag a mangiraman ti Tsina (mairaman ti Hong Kong ken Macau), Taiwan, Hapon, dagiti Korea, Mongolia, ken ti Adayo a Daya ti Rusia ken Siberia.

Iti bioheograpia, ti Amianan a daya nga Asia ket kadawyan a mangibagbaga ti lugar nga agarup a mangsakop ti Hapon, ti Peninsula ti Korea, Amianan a daya a Tsina, ken ti Adayo a Daya ti Rusia iti nagbaetan ti Danaw Baikal idiay Sentral Siberia ken ti Taaw Pasipiko. Para iti nawatwatiwat nga espektro ti Amianan a daya nga Asia, kitaen ti.

Ti Amianan a daya nga Asia ket maysa kadagiti kangrunaan a rehion ti ekonomia iti lubong. Daytoy ket maysa kadagiti nangruna a sentro ti politika ken addaan iti maysa a nangruna nga impluensia iti sangalubongan.

Ti Amianan a daya nga Asia ket kaaduan a naabbongan iti temperado a kabakiran ken karuotan. Adda met dagiti adu a paggiddiatan dagiti temperatura iti baetan ti kalgaw ken panaglalam-ek. Daytoy ket lugar pay a kabambantayan.

• EALC (Dagiti pagsasao ti Amianan a Daya nga Asia ken sibilisasion/kulkultura)
• Daya nga Asia
• Panagad-adal ti Daya nga Asia
• Amianan a Daya a Tsina
• Hapon
• Adayo a Daya ti Rusia
• Ti Peninsula ti Korea (ammo pay a kas ti Korea)