Ռոպերթ Մուկապէ
Ռոպերթ Մուկապէ (21 Փետրուար 1924(1924-02-21), Kutama, Southern Rhodesia, Բրիտանական կայսրութիւն - 6 Սեպտեմբեր 2019(2019-09-06), Gleneagles Hospital, Տանգլին, Սինկափուր), զիմպապուէացի պետական եւ քաղաքական գործիչ, Զիմպապուէի նախկին նախագահ (1987-2017):
Գործունէութիւն
18 Ապրիլ 1980 թուականէն մինչեւ 31 Դեկտեմբեր 1987 թուականը Զիմպապուէի վարչապետը եղած է։ 1975-2017 թուականներուն Զիմպապուէի իշխող Զիմպապուէի ափրիկէական ազգային միութիւն - Հայրենասիրական Ճակատ (ԶԱԱՄ-ՀՃ) կուսակցութեան նախագահը եղած է: 30 Յունուար 2015-էն մինչեւ 30 Յունուար 2016-ը Ափրիկէական միութիւնը գլխաւորած է: Դաւանանքը կաթոլիկութիւնն է. ճիզուիտական դպրոցէն ներս սորված է: Ստացած է ուսուցչի կրթութիւն: Իշխանութեան գալով, հաստատած է միակուսակցական դրուածք: Յայտնի է «ճերմակ ագարակատէրերու» հետապնդումներով (2001) եւ Միացեալ Նահանգներուն հասցէին քննադատական խօսքերով: Քաղաքականութեան մէջ յայտարարած է ընկերվարութեան նուիրում, կողմնակից եղած է արդիւնաբերութեան ազգայնացմանը եւ կենսական անհրաժեշտ ապրանքներու «կոշտ գիներու» հայեցակարգին:
Կենսագրութիւն
Մանկութիւն՝ 1924–1945
Ռոպերթ Կապրիէլ Մուկապէի հայրը, Կապրիէլ Մաթիպիրին հիւսն էր, երբ մայրը՝ Պոնան կը դասաւանդէր վարդապետութիւն գիւղի երեխաներուն համարԿաղապար:Sfnm Պոնան եւ Կապրիէլը ունէին վեց զաւակ, անոնք կը պատկանէին զեզուրու ցեղախումբին, որ շոնաներու ամենափոքր ճիւղերէն մէկն էր։ Մուկապէի հօր պապը Մաթիպիրի կեղծանունով, XIX դարուն ծառայած էր Լոպենկուլա թագաւորին: Ճիզուիտները խիստ կարգապահ էին եւ անոնց ազդեցութեան տակ Մուկապէն ինքնակառավարման կարգապահութիւն ձեռք բերած է, նաեւ դառնալով ջերմեռանդ կաթոլիկ:
1930-ականներուն, Մուկապէն բանավէճ մը ունեցած է ճիզուիտներէն մէկուն հետ, որուն արդիւնքին Մուկապէի ընտանիքը վտարուեցաւ գիւղէն ֆրանսացի առաջնորդ հայր Ժան-Պաթիսթ Լուպիերին կողմէ: Անոնք հաստատուեցան եօթ մղոնաչափ հեռաւորութեամբ գիւղի մը մէջ, թէեւ երեխաները թոյլատրուած էին մնալ տարրական դպրոցէն ներս:
Ծանօթագրութիւններ
This article uses material from the Wikipedia Արեւմտահայերէն article Ռոպերթ Մուկապէ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Արեւմտահայերէն (DUHOCTRUNGQUOC.VN) is an independent company and has no affiliation with Wiki Foundation.