Տերունական Պատկեր

Տերունական պատկեր, Տնօրինական պատկեր, Քրիստոսի մարդեղությանը նվիրված պատկերները, որոնք ընդգրկում են Քրիստոսի ծննդյան ցիկլը, հրաշքները, առակները և չարչարանքները։ Ավելի նեղ իմաստով տերունական պատկերը գործածվում են Քրիստոսի հետ կապված տոները ներկայացնող պատկերների համար։ Տերունական պատկերների թեմաներ են՝ «Ծնունդ», «Մկրտություն», «Ոտնլվա», «Մուտք Երուսաղեմ», «Ղազարոսի հարությունը», «Խաչելություն», «Յուղաբեր կանայք Տիրոջ գերեզմանի մոտ», «Համբարձում», «Պայծառակերպություն», «Դժոխքի ավերումը», «Հոգեգալուստ» և այլն։ Տարբեր ժամանակների, երկրների ու դպրոցների ստեղծած որմնանկար, մանրանկար և այլ պատկերներում այդ հիմնական թեմաների թիվը տատանվում է։