«Արծաթե ժապավեն» (իտալ.՝ Nastro d’argento), ամենամյա կինոմրցանակաբաշխություն՝ հիմնադրված 1946 թվականին Իտալական կինոլրագրողների ազգային ասոցիացիայի (իտալ.՝ Sindacato nazionale giornalisti cinematografici italiani.
SNGCI) կողմից։ Մրցանակաբաշխությունը տեղի է ունենում Տավրոմենիայի թատրոնում։
Կինոլրագրողների միությունը հիմնադրվել է 1946 թվականին կինոլրագրողների և էսսեիստների խմբի կողմից, որոնցից մի քանիսը հետագայում դարձել են ռեժիսորներ (Ստենո, Մարիո Սոլդատի, որը նրանց առաջին նախագահն էր) և հեղինակներ (Միքելանջելո Անտոնիոնի, Անտոնիո Պիետրանջելի)։ Մրցանակը հիմնադրվել է նույն թվականին, որի նպատակն էր «խթանել իտալական կինեմատոգրաֆիայում գեղարվեստական, տեխնիկական և արդյունաբերական շարունակական բարելավումը և պարգևատրել համապատասխան ձեռքբերումները»։
Առաջին անգամ շնորհվել է Հռոմում։ Մի քանի մրցանակաբաշխություններ անցկացվել են վիլլա Մեդիչիիում գտնվող ֆրանսիական ակադեմիայի գլխավոր գրասենյակում։ Այն անցկացվում է նաև Հռոմի 21-րդ դարի արվեստի ազգային թանգարանի տարածքում։ Ավանդաբար մրցանակի հանձնումը տեղի է ունեցել Սիցիլիայի Տաորմինա քաղաքում, սակայն 2005 թվականից մրցանակը հանձնվում է «Չինեչիտտա» կինոստուդիայում, որը գտնվում է Հռոմի արվարձանում։
1946-1956 թվականներին մրցանակները հանձնվել են ֆինանսական տարվա կտրվածքով, 1957 թվականից՝ օրացուցային տարվա համար։ Առաջին մրցանակը շնորհվել է 10 անվանակարգերում, 2015 թվականին շնորհվել է 35 անվանակարգերում (ներառյալ հատուկ ծառայությունների համար մրցանակները և հատուկ անվանական մրցանակները)։ 1957 թվականից ի վեր, «Օսկարի» նմանությամբ, բացի մրցանակակիրներից, մտցվել է մրցանակի հավակնորդների կատեգորիան, և համապատասխան կերպով փոխվել է պարգևատրման արարողությունը։ Պարգևատրման որոշումն ընդունվում է ասոցիացիայի անդամների ընդհանուր քվեարկությամբ։
Համարվում է իտալական երկու ամենանշանակալի կինոմրցանակներից մեկը (Դավիթ դի Դոնատելոյի մրցանակի հետ մեկտեղ)։
Ներկայումս շնորհվում են հետևյալ մրցանակները.
Մրցանակներն այլևս չեն հանձնվում.
This article uses material from the Wikipedia Հայերեն article Արծաթե ժապավեն, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Բովանդակությունը թողարկված է CC BY-SA 4.0 թույլատրագրով, եթե այլ բան նշված չէ։ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Հայերեն (DUHOCTRUNGQUOC.VN) is an independent company and has no affiliation with Wiki Foundation.